Maharashtra Grape Farmers Update: दिवाळी सणाच्या पार्श्वभूमीवर बाजारात बेदाण्याच्या मागणीत काहीशी वाढ झाली असून, दरात प्रति किलो १० ते १५ रुपयांची वाढ झाली आहे. प्रतवारी आणि दर्जानुसार बेदाण्याला १२० ते ४१० रुपये प्रति किलो दर मिळत आहेत. २५ ऑक्टोबरपासून झिरो पेमेंटसाठी बेदाण्याचे सौदे एक महिन्यासाठी बंद ठेवले जाणार आहेत..गेल्या दोन ते तीन महिन्यांपासून बाजारात बेदाण्याची मागणी आणि उठाव मंदावला होता. त्यामुळे दर स्थिर होते. वास्तविक पाहता, गणपतीनंतर बेदाण्याच्या दरात वाढ होते. मात्र, या कालावधीत मागणी अपेक्षेइतकी वाढली नाही. गणेशोत्सवाच्या काळातही मागणी आणि उठाव मर्यादितच होता. त्यामुळे बेदाण्याच्या दरात फारशी तेजी-मंदी झाली नाही..Global Raisin Market: शेतकऱ्यांनो, जागतिक बेदाणा बाजारपेठ तुम्हाला साद घालतेय....सद्यःस्थितीत ४० ते ५० हजार टन बेदाणा शिल्लक असल्याचा अंदाज व्यक्त केला जात आहे. दिवाळीचा सण पंधरा ते वीस दिवसांवर आला आहे. त्यापूर्वी बेदाण्याची खरेदी केली जाते. त्यामुळे सांगली, तासगाव आणि पंढरपूर येथील बाजार समित्यांमध्ये सौद्यांसाठी अंदाजे १७०० टन बेदाण्याची आवक होत आहे..गेल्या दोन ते तीन महिन्यांच्या तुलनेत सध्या मागणी आणि उठावातही किंचित वाढ झाली आहे. त्यामुळे बेदाण्याच्या दरात सुधारणा झाली आहे. बेदाण्याचे दर टिकून राहतील, असा अंदाज व्यक्त केला जात आहे.. Raisin Deals: बेदाणा सौदे ‘झीरो पेमेंट’साठी २५ ऑक्टोबरनंतर महिनाभर बंद.फेब्रुवारीपासून बेदाणा विक्रीचा हंगाम सुरू झाला. मार्च महिन्यापासून त्याला गती आली. एकंदर, गेल्या सहा ते सात महिन्यांत बेदाण्याच्या दरात फारशी तेजी-मंदी झाली नाही. दर टिकून राहिले. त्यामुळे आतापर्यंत बेदाणा उत्पादक शेतकऱ्यांना दरामुळे दिलासा मिळाला..२५ ऑक्टोबरपासून सौदे बंदबेदाणा बाजारपेठेतील व्यापारी आणि शेतकऱ्यांचे सर्व आर्थिक व्यवहार पूर्ण होईपर्यंत एक महिना बेदाण्याचे सौदे झिरो पेमेंटसाठी बंद ठेवले जातात. यंदा २५ ऑक्टोबरपासून सौदे बंद ठेवण्याचा निर्णय असोसिएशनने घेतला आहे. त्यामुळे एक महिना सौदे बंद राहणार आहेत. त्यानंतर २१ नोव्हेंबरला यासंदर्भात बैठक होईल. या बैठकीत आर्थिक व्यवहारांचा आढावा घेतल्यानंतर सौदे सुरू होतील..बेदाण्याचे दर (प्रति किलो)हिरवा २५० ते ४०० रुपयेपिवळा ३०० ते ४१० रुपयेकाळा १२० ते १७० रुपये.गेल्या आठवड्यापासून बेदाण्याच्या दरात प्रति किलो १० ते १५ रुपयांनी वाढ झाली आहे. बाजारात मागणीही किंचित वाढली आहे. त्यामुळे बेदाण्याचे दर टिकून राहतील.सुशील हडदरे, बेदाणा व्यापारी, सांगली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
