Market Bulletin: तुरीचे दर दबावातचदेशातील बाजारात तुरीचे दर दबावातच आहेत. बाजारातील तुरीची आवक खूपच कमी आहे. परंतु देशात तुरीचा स्टाॅक आहे. तसेच ३१ मार्चपर्यंत तुरीची मुक्त आयात राहणार आहे. या काळात आयात चांगली होण्याची शक्यता आहे. सध्या बाजारात तूर ६ हजार ३०० ते ७ हजार रुपयांच्या दरम्यान विकली जात आहे. देशात यंदाही तुरीची लागवड काहीशी कमी झाली आहे. त्यामुळे उत्पादन कमी राहण्याचा अंदाज आहे. परंतु आयातीचा दबाव दरावर आहे. यापुढे सरकाच्या धोरणाचा बाजारावर परिणाम दिसेल, असा अंदाज तूर बाजारातील अभ्यासकांनी व्यक्त केला. .ज्वारीला उठावदेशातील बाजारात सध्या ज्वारीची आवक मर्यादीत आहे. तर दुसरीकडे ज्वारीला चांगला उठाव आहे. याचा आधार ज्वारीच्या दराला मिळत आहे. ज्वारीचे दर मागील काही आठवड्यांमध्ये सुधारले आहेत. ज्वारीला सध्या गुणवत्तेनुसार प्रतिक्विंटल सरासरी २ हजार ८०० ते ३ हजार ५०० रुपयांच्या दरम्यान दर मिळत आहे. खरिपातील ज्वारी पिकाला पावसाचा फटका काही भागात बसला. याचा उत्पादनावर परिणाम झाला. तर रब्बी हंगामात ज्वारीची लागवड वाढू शकते, असा अंदाज ज्वारी बाजारातील जाणकारांनी व्यक्त केला आहे..Raisin Season: फेब्रुवारीत बेदाण्याचा हंगाम सुरू होण्याची शक्यता.आल्याचे दर टिकूनराज्यातील बाजारांमध्ये आल्याचे दर टिकून आहेत. बाजारात आल्याची आवक कमी आहे. तर दुसीकडे आल्याला उठाव चांगला आहे. याचा आधार दराला मिळत आहे. आल्याचे दर मागील काही दिवसांपासून सुधारलेले आहेत. तर आज दरपातळी स्थिर होती. सध्या आल्याला प्रतिक्विंटल सरासरी ४ हजार ते ५ हजार रुपयांच्या दरम्यान दर मिळत आहे. आले बाजारातील आवक पुढील काही दिवस मर्यादीतच राहू शकते. त्यामुळे आल्याचे दरही टिकून राहू शकतात, असा अंदाज आले बाजारातील अभ्यासकांनी व्यक्त केला. .Maize Price: मक्याचे दर गडगडले.कांदा दरात चढ उतार कांद्याच्या दरात मागील काही दिवसांपासून काहीसे चढ उतार दिसत आहे. कमाल आणि किमान दरात ५० ते १०० रुपयांपर्यंत आहेत. बाजारातील कांदा आवकही चांगली आहे. सध्या कांदा सरासरी १२०० ते १५०० रुपयांच्या दरम्यान विकला जात आहे. तर कमाल भाव बहुतांशी बाजारात १७०० ते २ हजारांच्या दरम्यान आहे. खरिप कांद्याला यंदा पावसाचा फटका बसला. तसेच अनेक भागात कांदा उशीरा येत असल्याचे शेतकऱ्यांनी सांगितले. कांदा भावात काहीसे चढ उतार कायम राहू शकतात, असा अंदाज कांदा बाजारातील अभ्यासकांनी व्यक्त केला. .टोमॅटो आवक मर्यादीतबाजारातील टोमॅटो आवक सरासरीपेक्षा कमी आहे. त्यामुळे टोमॅटो भावातील सुधारणा कायम आहे. पावसाने राज्यातील टोमॅटो पिकाचे ऑक्टोबर महिन्यात अनेक ठिकाणी नुकसान केले. परिणामी सध्या बाजारात बाजारातील आवक कमी आहे. तर दुसरीकडे टोमॅटोला उठाव आहे. त्यामुळे टोमॅटोच्या दरात मागील ३ आठवड्यांपासून सुधारणा होत आहे. आज राज्यातील बाजारात टोमॅटोला प्रतिक्विंटल सरासरी ३ हजार ते ४ हजार रुपयांचा दर मिळत आहे. टोमॅटो बाजारातील ही स्थिती आणखी काही दिवस कायम राहू शकते, असा अंदाज टोमॅटो बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
