Kolhapur Jaggery Update: गेल्या पंधरा दिवसांपासून गुळाच्या दराने मोठी उसळी घेतली आहे. सणासुदीच्या पार्श्वभूमीवर गुजरातमधून वाढलेली मागणी, कर्नाटकातून घटलेली आवक याचा एकत्रित परिणाम गूळ दरावर झाला आहे. कोल्हापुरात बुधवारी (ता. १९) गुळास प्रति क्विंटल ६५०० रुपये इतका उचांकी दर मिळाला. एका किलोच्या गूळ रव्याने प्रति क्विंटल ७०५० रुपयांपर्यंत बाजी मारली..गेल्या महिन्याच्या तुलनेत क्विंटलमागे सरासरी एक हजार रुपयापर्यंत गुळाच्या किंमती वधारल्या आहेत. महिनाभरापूर्वी गुळाचे दर ४५०० ते ४६०० रुपये प्रति क्विंटलच्या आसपास होते. आता हे दर ५,२०० ते ५,८०० रुपयांपर्यंत पोहोचले आहेत. त्यामुळे गूळ उत्पादक शेतकऱ्यांमध्ये समाधानाचे वातावरण आहे. सध्या येथील बाजार समितीत बिगर हंगामी गुळाची सात ते आठ हजार गूळ रव्यांची आवक होत आहे..Jaggery Law: गूळ उद्योगासाठी स्वतंत्र कायदा.गुजरातमध्ये श्रावणासह आगामी सणांच्या पार्श्वभूमीवर गुळाची मागणी वाढली आहे. त्यामुळे गुजरातमधील व्यापाऱ्यांचे लक्ष कोल्हापूर बाजाराकडे केंद्रित झाले आहे. शीतगृहांमध्ये यंदा मोठ्या प्रमाणावर गुळाचा साठा नसल्याने सणासुदीच्या काळातील मागणी भागविण्यासाठी दररोज नवीन मालाची आवश्यकता भासत आहे. परिणामी कोल्हापूर बाजारात गुळाचे सौदे नियमितपणे होत आहेत..दरम्यान, अन्न व औषध प्रशासन विभागाने गूळ बाजारावरही लक्ष केंद्रित केल्याने कर्नाटकातून येणाऱ्या गुळाला व्यापाऱ्यांकडून अपेक्षित मागणी मिळत नसल्याचे चित्र आहे. तपासणीच्या पार्श्वभूमीवर कर्नाटकातील काही गुळाची आवक कमी झाली असून, तेथील गुळाचे व्यवहार मर्यादित झाले आहेत. परिणामी कर्नाटकातील ग्राहक आणि व्यापाऱ्यांचा कल कोल्हापूरच्या बाजाराकडे वाढला आहे..Jaggery Adulteration: भेसळीचे गुऱ्हाळ.गुळाच्या वाढलेल्या दरामुळे कोल्हापूर जिल्ह्यातील गुऱ्हाळघर मालकही सक्रिय झाले आहेत. गूळ उत्पादनासाठी आवश्यक असलेल्या उसाची उपलब्धता स्थानिक पातळीवर मर्यादित असल्याने अनेक गुऱ्हाळघर मालक बाहेरील जिल्ह्यांमध्ये ऊस शोधण्यासाठी फिरत असल्याचे चित्र आहे..ऊस मिळेल त्या ठिकाणाहून तो आणून गूळ उत्पादन सुरू ठेवण्याचे प्रयत्न सुरू आहेत. गुजरातची वाढती मागणी, सणासुदीचा हंगाम, शीतगृहांतील कमी साठा आणि कर्नाटकातील गुळाच्या घटलेल्या मागणीचा थेट फायदा कोल्हापूर बाजाराला होत आहे. त्यामुळे आगामी काळातही गुळाच्या बाजारातील तेजी कायम राहण्याची शक्यता व्यापारी व गुऱ्हाळघर चालकांकडून व्यक्त होत आहे..कोल्हापुरात गुळाचे दर (प्रति क्विंटल/रुपयांत)गूळ दर्जा दरपहिला क्रमांक ५५०० ते ५५७०दुसरा क्रमांक ५४५० ते ५५५०तिसरा क्रमांक ५२५० ते ५४४०चौथा क्रमांक ५१०० ते ५२४०एक किलो बॉक्स ५१०० ते ५८००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
