Flower Market : नागपुरात झेंडू ३० रुपये किलो

Nagpur News : गणेशोत्सवाच्या काळात आवक कमी असल्याने तेजीत असलेल्या झेंडू फुलांचे व्यवहार सध्या सरासरी २५ ते ३० रुपये या घाऊक दराने होत असल्याची माहिती नागपूरच्या नेताजी बाजारातील व्यापाऱ्यांनी दिली. सोमवारी (ता. २३) किरकोळ बाजारात दर प्रतिकिलो ५० रुपये होते.

नागपूरलगतच्या अनेक गावांमध्ये फुलशेती करणाऱ्या शेतकऱ्यांची संख्या मोठी आहे. त्यामध्ये झेंडू, गुलाब, शेवंती यासारख्या फुलांचे उत्पादन घेतले जाते. गणपती, दसरा, दिवाळी या कालावधीत फुलांना मागणी असते.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान गणेशोत्सव काळात बाजारात झेंडूची उपलब्धता कमी असल्याने दर ५० ते ८० रुपयांवर पोहोचले होते. बाजारात झेंडू फुलांची किरकोळ विक्री १०० ते १२० रुपये किलोने होत होती. आता मात्र आवक वाढल्याने घाऊक दर २५ ते ३० रुपये झाला आहे.

दसऱ्याला दर कमी असले तरी दिवाळीत दर ५० रुपयांपेक्षा अधिक राहतील, अशी अपेक्षा उत्पादक व्यक्त करत आहेत. दरम्यान झेंडू फुलांचे दर सोमवारी (ता. २३) किरकोळ बाजारात ५० रुपये किलो होते.