Jalgaon News: जळगाव जिल्ह्यातील बाजार समित्यांत दादर ज्वारीची आवक वाढत आहे. अशात युद्ध व साठवणुकीच्या अडचणींचे कारण देत व्यापाऱ्यांकडून दादर ज्वारीची कमी दरात खरेदी सुसाट सुरू असून, या ज्वारीचे दर पावणेपाच हजार रुपये प्रति क्विंटलवरून तीन ते साडेतीन हजार रुपये प्रति क्विंटलपर्यंत खाली आले आहेत. .दादर ज्वारीसाठी जिल्ह्यात चोपडा व पाचोरा बाजार समित्या प्रसिद्ध आहेत. जळगाव बाजार समितीतही दादर ज्वारीची आवक बऱ्यापैकी होते. दादर ज्वारीचे दर मार्चच्या मध्यापर्यंत बऱ्यापैकी होते..Jowar Crop Care: अवकाळी पाऊस- गारपिटीमध्ये ज्वारी पिकाचे व्यवस्थापन कसे करावे?.पण मागील १० ते १२ दिवसांत हे दर सतत कमी झाले आहेत. सध्या जिल्ह्यातील प्रमुख बाजारांत दादर ज्वारीची प्रति दिन सरासरी १२०० क्विंटल आवक होत आहे. दर ३००० ते ३५५० रुपये प्रति क्विंटल, असे मिळत आहेत. अपवादाने दर चार हजार रुपयांवर मिळत असल्याचे शेतकऱ्यांचे म्हणणे आहे..दादर ज्वारीची मळणी फेब्रुवारीअखेरीस सुरू झाली आणि मार्चच्या मध्यात पूर्ण झाली. काही शेतकऱ्यांनी मळणीनंतर लगेचच विक्री केली. यात काहींना दर साडेचार हजार रुपये प्रतिक्विंटल, असे मिळाले. परंतु ज्यांनी साठवणूक केली, ते शेतकरी चिंतेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.