Livestock Exports Growth: देशातील पशुधन उत्पादनांना जागतिक बाजारपेठेत मागणी वाढली आहे. त्यामुळे या उत्पादनांच्या निर्यातीचा आलेख चढता असल्याचे दिसून येत आहे. चालू आर्थिक वर्षातील एप्रिल ते ऑगस्ट या पाच महिन्यांत पशुधन उत्पादनांची निर्यात ४४ टक्क्यांनी वाढल्याचे वाणिज्य मंत्रालयाच्या ताज्या अहवालावरून स्पष्ट झाले आहे. यामध्ये मांस, दुग्धजन्य पदार्थ आणि कुक्कुट उत्पादनांचा समावेश आहे..वाणिज्य मंत्रालयाच्या ताज्या अंदाजानुसार, ऑगस्ट २०२६मध्ये मांस, दुग्धजन्य पदार्थ आणि कुक्कुट उत्पादनांची निर्यात ६९४ दशलक्ष डॉलर्स झाली. गेल्या वर्षी ऑगस्टमध्ये ही निर्यात ५०६ दशलक्ष डॉलर्स होती. मांस, दुग्धजन्य पदार्थ आणि कुक्कुट उत्पादनांसह पशुधन क्षेत्रातील उत्पादनांची निर्यात ३.१३२ अब्ज डॉलर्सवर पोहोचली आहे. गेल्या वर्षी याच कालावधीत ही निर्यात २.१७७ अब्ज डॉलर होती..Farmers Income Growth: निर्यातीमुळे शेतकऱ्यांच्या उत्पन्नात चांगली वाढ.म्हशीच्या मांसाला मागणीनिर्यात वाढीला भारतीय म्हशीच्या मांसाची वाढलेली मागणी मोठ्या प्रमाणात कारणीभूत ठरली आहे. व्हिएतनाम, मलेशिया आणि इतर आंतरराष्ट्रीय बाजारपेठांमधून भारतीय म्हशीच्या मांसाला मागणी वाढली आहे. म्हशीचे मांस हे निर्यात वाढीतील प्रमुख उत्पादन ठरले आहे. त्याचबरोबर कुक्कुट, दुग्धजन्य पदार्थ, अंडी आणि इतर प्राणीजन्य उत्पादनांचाही या वाढीत वाटा असल्याचे उद्योगातील जाणकारांनी सांगितले. व्हिएतनाम, इजिप्त, संयुक्त अरब अमिराती, मलेशिया आणि सौदी अरेबिया यांसारख्या बाजारपेठांमध्ये भारतीय पशुधन उत्पादनांची मागणी वाढली आहे. .Dehydration Technology: ‘डीहायड्रेशन’द्वारे शेतीमालाचे मूल्यवर्धन.स्पर्धात्मक दर, परदेशातील स्थिर मागणी, निर्यात पायाभूत सुविधांमध्ये सुधारणा आणि गुणवत्ता निकषांचे पालन यामुळे या वाढीला आधार मिळत असल्याचे उद्योगातील अभ्यासकांचे म्हणणे आहे. गेल्या आर्थिक वर्षातही पशुधन उत्पादनांच्या निर्यातीत चांगली वाढ झाली होती. २०२५-२६मध्ये पशुधन उत्पादनांची निर्यात २२ टक्क्यांनी वाढून ६.२१५ अब्ज डॉलर्स झाली. २०२४-२५मध्ये ही निर्यात ५.०९६ अब्ज डॉलर्स होती..दुग्धजन्य, कुक्कुट पदार्थांची निर्यातदेशातून तूप आणि काही प्रमाणात स्किम्ड मिल्क पावडरच्या निर्यातीनेही वाढीला हातभार लावला आहे. गेल्या काही महिन्यांत परदेशी बाजारपेठेत तुपाला मागणी वाढल्याने दुग्धजन्य पदार्थांच्या निर्यातीत वाढ झाल्याची शक्यता व्यक्त केली जात आहे. कुक्कुट उत्पादनांमध्ये प्रामुख्याने अंडी आणि अंड्याची पावडर निर्यात केली जाते. .मात्र, देशांतर्गत उत्पादन खर्च जास्त असल्याने कुक्कुट मांसाची निर्यात सध्या व्यवहार्य नसल्याचे जाणकारांचे मत आहे. पश्चिम आशियातील तणावामुळे कुक्कुट उत्पादनांच्या निर्यातीवर परिणाम झाला. एप्रिल-मे २०२६मध्ये निर्यात जवळपास ठप्प झाली होती. त्यानंतर गेल्या दोन महिन्यांत निर्यात हळूहळू सुरू झाली असली, तरी ती अद्याप पूर्णपणे पूर्वपदावर आलेली नाही, असे उद्योगातील जाणकारांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
