Market Bulletin: मक्यावर आवकेचा दबावदेशात आणि राज्यात मक्याची लागवड वाढली आहे. त्यामुळे खरीप मका उत्पादनात वाढ होण्याची शक्यता वर्तवली जात आहे. त्यामुळे मका दरावर दबाव दिसून येत आहे. सध्या मक्याची आवक मर्यादित आहे. परंतु पुढील काळात मक्याची आवक आणखी सुधारण्याची शक्यता आहे. राज्यातील प्रमुख मका बाजारात मक्याला सरासरी १ हजार ९५० ते २००० रुपयांच्या दरम्यान दर मिळत आहे. मक्याचा हमीभाव २ हजार ४०० रुपये आहे. परंतु खुल्या बाजारात मात्र हमीभावापेक्षा कमी दर मका पिकाला मिळत आहे. पावसाच्या फटक्यामुळे मका पिकांचे नुकसान झाले आहे. तसेच मका पिकाची गुणवत्ता कमी झाली आहे. नव्या मालात ओलावा अधिक आहे. तर पुढील काळात आवकेचा दबावही मक्याच्या बाजारावर दिसू शकतो, असा अंदाज मका बाजारातील जाणकारांनी दिला आहे..मुळा दर टिकूनराज्यातील मुळा बाजारात सध्या आवक मर्यादित आहे. भाजीपाला पिकांचं नुकसान पावसाच्या तडाख्यामुळे झालं आहे. तसेच पूर्णत: पिक हातून गेल्याचं शेतकरी सांगतात. त्यामुळे सध्या मुळ्याला बाजारात प्रतिक्विंटल सरासरी २ हजार ते २ हजार ८०० दरम्यान दर मिळत आहे. तर गुणवत्ता पूर्ण मालाला शेकडा २ हजार ५०० ते ३ हजार ५०० रुपयांचा दर मिळत आहे. यंदा मुळा उत्पादकपट्ट्यात उत्पादन कमी आहे. तसेच पुढील दोन ते तीन आठवडे मुळ्याची आवक मर्यादित राहण्याची शक्यता आहे. त्यामुळे मुळा दर टिकून राहतील, असा अंदाज शेतकरी आणि व्यापाऱ्यांनी व्यक्त केला आहे..Agrowon Podcast: कोबीचे दर सुधारले, मेथी तेजीत, लसणाची आवक कमी, वांगी दर टिकून, सोयाबीन दर दबावात.टोमॅटो दबावतचराज्यातील बाजारात टोमॅटोचे दर दबावातच आहेत. टोमॅटोला मोठ्या बाजारांमध्ये आवक जास्त असल्याने सरासरी ९०० ते १ हजार २५० रुपये दर मिळत आहे. बाजारातील टोमॅटोची आवक पावसानंतर सुधारली आहे. तर दुसरीकडे उठाव स्थिर आहे. त्यामुळे टोमॅटोच्या दरावर दबाव आहे. मुंबई आणि इतर मोठ्या बाजारपेठांमध्ये मागणी असल्याने दर काहीसे अधिक आहेत. पण आवक जास्त आहे, तिथे दबाव दिसत आहे. पुढील काही आठवडे बाजारातील आवक चांगली राहण्याची शक्यता आहे. याचा दरावर परिणाम दिसू शकतो, असा अंदाज व्यापारी आणि अभ्यासकांनी व्यक्त केला..Soybean Price: हमीभावापेक्षा ११२८ ते १७२८ रुपये कमी दराने सोयाबीनची खरेदी.बटाट्याला मागणीचा आधारबटाट्याचे दर मागील काही दिवसांपासून स्थिर दिसत आहेत. सप्टेंबर महिन्यात झालेल्या पावसामुळे इतर भाजीपाल्याचे दर वाढले होते. त्यामुळे बटाट्याला चांगली मागणी आली होती. सध्याही बाजारात सरासरी १ हजार ३०० ते १ हजार ५०० रुपये प्रतिक्विंटलच्या दरम्यान दर मिळत आहे. देशात पश्चिम बंगाल, उत्तर प्रदेश बटाट्याचे प्रमुख उत्पादक राज्य आहेत. परंतु दोन्ही राज्यात बटाटा पिकाला पावसाचा काहीसा फटका बसला आहे. त्यामुळे बटाटा उत्पादनावर परिणाम होऊ शकतो. तसेच पुढील काळात बटाट्याला मागणी कायम राहण्याची शक्यता आहे. याचा दरावर परिणाम होऊ शकतो, असा अंदाज अभ्यासकांनी व्यक्त केला..पपई दर स्थिरराज्यात पपई आवक स्थिर आहे. त्यामुळे दरही स्थिर आहेत. राज्यातील मुंबई, पुणे, अमरावती बाजारात आवक काहीशी जास्त आहे. राज्यातील बाजारात पपईला सरासरी १ हजार ७०० ते २ हजार २०० रुपये दर मिळत आहे. दिवाळी सणाच्या पार्श्वभूमीवर पपई बाजारात मागणी वाढेल. त्यामुळे दरात सुधारणा पाहायला मिळेल, असे व्यापारी सांगतात. सप्टेंबर महिन्यात पावसामुळे पपई पिकाला फटका बसला. त्यामुळे सध्या आवक कमी आहे. तसेच गुणवत्ता पूर्ण मालही कमी आहे. पुढील काळात आवक काहीशी वाढेल, परंतु उठाव असल्याने दरात सुधारणा होईल, असा अंदाज पपई बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
