Amaravati News: हिरव्या हरभऱ्याची आवक वाढल्याने बाजारात दर मोठ्या प्रमाणात घसरले आहेत. या पिकाचे किरकोळ बाजारातील दर २० रुपये किलोपर्यंत खाली आले असून, थेट शेतातून होणाऱ्या सौद्यांना प्रति एकरी अवघे ३५ हजार रुपये मिळत आहेत. त्यामुळे काकडा परिसरातील हरभरा उत्पादक शेतकरी अडचणीत सापडले आहेत..काकडा (ता. अचलपूर) परिसरात सिंचन सुविधांमुळे शेतकरी मोठ्या प्रमाणावर हिरवा हरभरा हे व्यावसायिक पीक घेतात. सुरुवातीच्या काळात आवक कमी असताना हिरव्या हरभऱ्याला चांगली मागणी राहत ६० ते ७० रुपये किलो दर मिळत होता..Chana Sowing: नांदेडला अडीच लाख हेक्टरवर हरभरा पेरणी .गेल्या महिन्यात व्यापाऱ्यांनी थेट शेतातून प्रति एकरी ६० ते ७० हजार रुपयांचे सौदे केले होते. मात्र सध्या एकाच वेळी मोठ्या प्रमाणात आवक वाढल्याने बाजारात दरांवर दबाव आला आहे..Chana Sowing: हरभऱ्याची दीड लाख हेक्टरवर पेरणी.व्यापाऱ्यांकडून आता हिरव्या हरभऱ्याला प्रतिएकरी सुमारे ३५ हजार रुपयांचा दर दिला जात आहे. किरकोळ बाजारातही दर घसरून २० रुपये किलोपर्यंत खाली आले आहेत. घाटे असलेल्या आणि दर्जेदार हरभऱ्यालाच मर्यादित मागणी राहिली आहे. परिणामी उत्पादन खर्च निघणेही कठीण होत असल्याची तक्रार शेतकऱ्यांनी केली..एरवी फायदेशीर; आता तोट्यात!सप्टेंबर महिन्यात हिरव्या हरभऱ्याची लागवड केली जाते. एकरी ६० ते ६५ किलो बियाणे वापरून साधारण तीन महिन्यांत पीक काढणीस येते. हिरव्या हरभऱ्यानंतर काही शेतकरी गहू किंवा कोरडा हरभरा घेत असल्याने ही पीकपद्धती दीर्घकालीनदृष्ट्या फायदेशीर ठरते, मात्र सध्याच्या दर घसरणीमुळे तात्पुरते आर्थिक नुकसान सहन करावे लागत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.