Market Bulletin: गव्हाला मागणी कायमदेशातील बाजारात मागील काही दिवसांपासून गव्हाचे भाव पुन्हा स्थिरावले आहेत. सणासुदीमुळे गव्हाला मागणी वाढत आहे. त्यामुळे दराला आधार मिळत आहे. सरकारने गव्हावरील स्टाॅकची मर्यादा कमी केली. त्यानंतर क्विंटलमागे ३० ते ५० रुपयांची नरमाई आली होती. परंतु मागील दोन आठवड्यांमध्ये काही बाजारांत दर काहीसे सुधारलेले देखील पाहायला मिळाले. सध्या गहू २ हजार ४०० ते २ हजार ९०० रुपयांच्या दरम्यान गुणवत्तेदरम्यान विकले जात आहे. सध्याचे दर आणखी काही आठवडे कायम राहतील, असा अंदाज हवामान विभागाने व्यक्त केला. .भेंडीला चांगला उठावराज्यातील बाजारात भेंडीला चांगला उठाव आहे. भेंडीची आवक मात्र मर्यादीत असल्याचे व्यापारी सांगत आहेत. भेंडी पिकाला मागील १५ दिवसांमध्ये झालेल्या पावसाचा फटका बसत आहे. त्यामुळे बाजारातील आवक कमी आहे. सध्या भेंडीला प्रतिक्विंटल सरासरी २ हजार ५०० ते ३ हजार रुपये दर मिळत आहे. भेंडीची आवक राज्यातील पुणे, मुंबई, नाशिक आणि नागपूर बाजारातच काहीशी अधिक दिसत आहे. इतर बाजारांमध्ये आवक १०० क्विंटलेक्षा कमीच आहे. बाजारातील आवक आणखी काही आठवडे कमीच राहण्याची शक्यता आहे. त्यामुळे भेंडीचे दर आणखी काही आठवडे टिकून राहतील, असा अंदाज भेंडी बाजारातील व्यापारी व्यक्त करत आहेत..Onion Procurement Irregularities: कांदा खरेदीतील ‘सप्लाय व्हॅलिड’ एजन्सी संशयाच्या भोवऱ्यात .कोथिंबीरचे भाव स्थिरावलेमागील तीन आठवड्यांमध्ये कोथिंबीरच्या भावात काहिशी घट दिसून आली होती. मात्र, गेल्या आठवडाभरात कोथिंबीरचे दर स्थिरावले आहेत. बाजारातील आवक वाढली तरी मागणीपेक्षा अतिरिक्त पुरवठा मर्यादीत आहे. त्यामुळे दर टिकून असल्याचे व्यापारी सांगत आहेत. सध्या बाजारात कोथिंबीर प्रतिक्विंटल सरासरी २ हजार ५०० ते ३ हजार ५०० रुपयांच्या दरम्यान विकली जात आहे. तर प्रति जुडी ५ ते ७ रुपयांच्या दरम्यान शेतकऱ्यांना भाव मिळत आहे. कोथिंबीरला बाजारात चांगली मागणी राहील. त्यामुळे कोथिंबीरचे दर काहीसे टिकून राहतील, असा अंदाज व्यापाऱ्यांनी व्यक्त केला. .Agrowon Podcast: हरभरा बाजारभाव स्थिर; वांगी व लसणाचे दर टिकून, हळदीची मागणी कायम तर उडदाचा भाव दबावात.सूर्यफुलाच्या भावात मंदीबाजारात सध्या सूर्यफुलाची आवक कमीच आहे. तरीही दर दबावातच आहेत. मागील देशात सूर्यफुलाचे उत्पादन कमी राहीले. पेराही कमीच होता. मात्र सूर्यफुल तेलाची वाढती आयात आणि देशात पेंडेला कमी उठाव यामुळे दरात नरमाई दिसून आली. सूर्यफुलाचे भाव सध्या बाजारात प्रतिक्विंटल सरासरी ४ हजार ७०० ते ५ हजार ५०० रुपयांच्या दरम्यान आहेत. तर सूर्यफुला केंद्राने २०२४-२५ च्या हंगामात ७ हजार २८० रुपये हमीभाव जाहीर केला होता. म्हणजेच हमीभावापेक्षा दर खूपच कमी आहेत. सूर्यफुलाच्या दरावर आणखी काही आठवडे दबाव राहू शकतो, असा अंदाज अभ्यासकांनी व्यक्त केला..हिरवी मिरची टिकूनबाजारातील हिरव्या मिरचीची आवक पुन्हा मर्यादीत झाली आहे. नुकत्याच झालेल्या पावसाचा फटका मिरची पिकाला बसला. अनेक भागात पिकाचे मोठे नुकसान झाले. त्यामुळे हिरव्या मिरचीची बाजारातील आवक कमी झाली आहे. आजही अनेक बाजारातील आवक ५० क्विंटलच्या दरम्यान आहे. तर दुसरीकडे हिरव्या मिरचीला उठाव चांगला आहे. याचा आधार मिरचीला मिळत आहे. सध्या राज्यातील बाजारात हिरव्या मिरचीला प्रतिक्विंटल सरासरी ३ हजार ५०० ते ४ हजार रुपये दर मिळत आहे. बाजारातील आवक आणखी काही आठवडे मर्यादीत राहून दर टिकून राहू शकतात, असा अंदाज व्यापाऱ्यांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
