Sangali News: मार्गशीर्ष महिन्यात पूजेसाठी खाऊच्या पानांची मागणी असल्याने गेल्या चार दिवसांपासून बाजारात पानांची मागणी वाढली असून दरात सुधारणा झाली आहे. सध्या पानांना ३५० ते १५०० रुपये प्रति पाटीला (एका पाटीत ३००० हजार पाने) असे दर मिळत आहेत. मात्र यंदाचा हंगाम सुरू झाल्यापासून पानांचे दर दबावातच असल्याने उत्पादन खर्चही निघणे मुश्कील झाले असल्याचे पान उत्पादक शेतकऱ्यांनी सांगितले..दसऱ्यामध्ये पानांच्या पेठेत पानांची मागणी वाढ आणि दरातही वाढ झाली होती. या दरम्यान पानांचा १००० ते २५०० रुपये असा दर होता. मात्र त्यानंतर पेठेत पानांची मागणी मंदावली. परिणामी उठावही कमी झाला. यामुळे पानांचे दर कमी झाले होते..Benefits Of Betel Leaves : विड्याच्या पानांचे फायदे वाचून व्हाल थक्क.दरम्यान जवळपास महिनाभर पानांच्या पेठा काही अंशी बंदही होत्या. असे पान उत्पादक शेतकऱ्यांनी सांगितले. त्यामुळे पानांची अपेक्षित विक्री करता आली नाही. स्थानिक बाजारपेठेत मागणीनुसार खुडा करून विक्री केली आहे. मात्र अपेक्षित दरही मिळाले नसल्याचेही शेतकरी सांगत होते..Betel Leave Rate: खाऊच्या पानांचे दर टिकून.गेल्या आठवड्यात मार्गशीर्ष महिना सुरू झाला आहे. त्यामुळे मुंबई, पुणे, नाशिक, रत्नागिरी, लातूर, पंढरपूर यासह अन्य पानांच्या पेठेत पूजेसाठी पानांची मागणी वाढली आहे. त्यामुळे पानांच्या दरात सुधारणा झाली आहे. सध्या हक्कल पानांच्या पाटीला ३५० ते ५००, कळी पानाच्या पाटीला ५०० ते ११००, तर फाफडा पानांच्या पाटीला ५०० ते १५०० (एका पाटीत ३००० पाने) असे दर आहेत. एक महिनाभर पानांचे दर स्थिर राहतील, असा अंदाज शेतकऱ्यांनी व्यक्त केला आहे. मात्र पेठेत पानांची आवक कशी राहते आणि मागणी कशी राहील, त्यावर दर तेजी मंदीही होण्याची शक्यता आहे..सण, उत्सव असले की पानांना दर चांगले मिळतात. पानांच्या पेठेत मागणी कधी वाढते, तर कधी कमी होते, याचा परिणाम दरावर होत आहे. आज दर चांगला मिळाला तर दोन दिवसांनी तोच दर मिळेल या बाबत शाशंकता आहे. त्यामुळे वाढता उत्पादन खर्च आणि मिळणारा दर याचा ताळमेळ घालणे शेतकऱ्यांसाठी कठीण बनत चालले आहे.- चंद्रकांत खाडे, पान उत्पादक शेतकरी, बेडग, ता. मिरज.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
