Sindhudurg News : सिंधुदुर्ग जिल्ह्यात नारळ दरात मोठी सुधारणा झाली असून ३० ते ६० रुपयांपर्यंत प्रति नारळाचा दर पोहोचला आहे. गणेशोत्सवानंतर नारळ दरात सतत सुधारणा होत आहे.
जिल्ह्यात गेल्या काही महिन्यांपासून नारळ दरात सुधारणा होत असल्याचे चित्र आहे. गणेशोत्सवापर्यंत कमीत कमी १५ ते अधिकाधिक ३० इतके प्रति नारळ दर होता. मात्र त्यानंतर नारळाच्या दरात वाढ होत गेली.
गणेशोत्सव काळात नारळाच्या दरात चांगली सुधारणा झाली. चार ते पाच प्रकारांत आकारानुसार दराची विक्री केली जाते. गणेशोत्सवात १५, २०, २५, ३०, आणि ४० असा नारळ दर होता. परंतु त्यानंतर त्यामध्ये हळूहळू वाढ होत गेली.
कमी उत्पादनामुळे दर वाढल्याचे व्यापाऱ्यांकडून सांगितले जात आहे. दरम्यान, आता नारळ दरात चांगलीच सुधारणा झाली आहे. सध्या बाजारपेठांमध्ये ३० ते ६० असे नारळ दर आहेत.त्यातच सध्या कोकणात जत्रोत्सव सुरू झाले आहेत. जत्रोत्सवामध्ये नारळाला मोठी मागणी असते. त्यामुळे दरामध्ये आणखी सुधारणा होण्याची शक्यता आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
