Central Government Wheat Procurement: मध्य प्रदेशातील वाढलेल्या खरेदीमुळे केंद्र सरकारच्या गहू खरेदीला वेग आला असून, मागील एका आठवड्यात खरेदीत तब्बल ५१ टक्क्यांची वाढ झाली आहे. गेल्या वर्षी याच कालावधीत २९.२२ लाख टन गहू खरेदी झाला होता, तर यंदा त्याचे प्रमाण वाढून ४४.१४ लाख टनांवर पोहोचले आहे. त्यामुळे यंदाच्या हंगामातील खरेदीतील तूट काही प्रमाणात कमी झाली आहे..१ ते ७ मे दरम्यान केवळ मध्य प्रदेशातूनच २४.५५ लाख टन गहू खरेदी करण्यात आला. राज्यातील आतापर्यंतच्या एकूण ५२ लाख टन खरेदीपैकी जवळपास निम्मी खरेदी या आठवड्यात झाली. त्यामुळे २०२६-२७ हंगामासाठी निश्चित करण्यात आलेल्या ३४५ लाख टन खरेदीचे लक्ष्य गाठण्याबाबत केंद्र सरकारला आशा निर्माण झाली आहे, अशी माहिती सूत्रांनी दिली. ७ मेपर्यंत केंद्र सरकारने देशभरातून २७६.६७ लाख टन गहू खरेदी केला असून, तो गेल्या वर्षीच्या २८५.५३ लाख टनांच्या तुलनेत तीन टक्क्यांनी कमी आहे. मात्र एप्रिलअखेर ही तूट नऊ टक्के होती, तर १६ एप्रिलपर्यंत ती ३९ टक्क्यांवर होती..Wheat Procurement: देशात गहू खरेदीचा वेग मंदावला, ९ टक्के घट, मध्य प्रदेशात कमी खरेदी.मध्य प्रदेशातील तूट कमीमध्य प्रदेशात ७ मेपर्यंत ५२.०४ लाख टन गहू खरेदी झाला असून, तो गेल्या वर्षीच्या ७७.२ लाख टनांच्या तुलनेत ३३ टक्के कमी आहे. मात्र एप्रिलअखेर ही घट ५९ टक्के होती. गहू खरेदीबाबत झालेली शेतकरी आंदोलने आणि ट्रॅक्टर मोर्चांमुळे राज्य सरकारवर दबाव वाढला होता. याबाबत केंद्रीय कृषिमंत्री शिवराजसिंह चौहान यांनी मुख्यमंत्री मोहन यादव यांच्याशीही चर्चा केली होती. केंद्राने मध्य प्रदेशातील खरेदीचे लक्ष्य हंगामाच्या सुरुवातीला ७८ लाख टन ठेवले होते. मात्र एप्रिलअखेर ते वाढवून १०० लाख टन करण्यात आले. गेल्या हंगामात राज्यातून ७७.७४ लाख टन गहू खरेदी करण्यात आला होता..पंजाब, हरियानातील स्थितीत सुधारणापंजाबमध्ये आतापर्यंत १२०.६७ लाख टन गहू खरेदी झाला असून, गेल्या वर्षी तो ११५.२७ लाख टन होता. २०२६-२७ साठी पंजाबमधून ११२ लाख टन खरेदीचे लक्ष्य ठेवण्यात आले आहे. पूर्वमोसमी पाऊस आणि गारपिटीमुळे अनेक जिल्ह्यांत गव्हाचा दर्जा घसरला होता. त्यामुळे पंजाबमधील बहुतांश गहू यासंदर्भातील निकष शिथिल करून खरेदी करण्यात आला. हरियानात केंद्राने आतापर्यंत जवळपास ८० लाख टन गहू खरेदी केला असून, ७२ लाख टनांचे लक्ष्य ओलांडले आहे. ही खरेदी गेल्या वर्षीच्या ६९.५७ लाख टनांच्या तुलनेत १५ टक्क्यांनी जास्त आहे..Wheat Procurement Target: गहू खरेदी उद्दिष्टात १५ टक्क्यांनी वाढ.उत्तर प्रदेश, बिहारमध्येही वाढउत्तर प्रदेशातील गहू खरेदी ९.७५ लाख टनांवर पोहोचली असून, गेल्या वर्षी ती ९.२ लाख टन होती. राजस्थानमध्ये खरेदी १३.५१ लाख टन झाली आहे. बिहारमध्ये खरेदी २४,५५६ टनांवर पोहोचली असून, ती गेल्या वर्षीच्या १५,९७४ टनांच्या तुलनेत ५४ टक्क्यांनी जास्त आहे. केंद्र सरकारने उत्तर प्रदेशातील खरेदी लक्ष्य १० लाख टनांवरून २५ लाख टनांपर्यंत, राजस्थानमध्ये २१ लाख टनांवरून २३.५ लाख टनांपर्यंत आणि बिहारमध्ये ०.१८ लाख टनांवरून १.८ लाख टनांपर्यंत वाढवले आहे..गहूखरेदीची गतीराज्य यंदाची खरेदी गेल्या वर्षीची खरेदी प्रमाणमध्य प्रदेश ५२.०४ लाख टन ७७.२ लाख टन ३३ टक्केराजस्थान १३.५१ लाख टन १३.९९ लाख टन ३.४ टक्केपंजाब १२०.६७ लाख टन ११५.२७ लाख टन +४.७ टक्केहरियाना ७९.९९ लाख टन ६९.५७ लाख टन +१५ टक्केउत्तर प्रदेश ९.७५ लाख टन ९.२ लाख टन वाढ सहा टक्केबिहार २४,५५६ टन १५,९७४ टन +५४ टक्केपंजाब १२०.६७ लाख टन ११५.२७ +४.७ टक्केदेशभरातील एकूण खरेदी २७६.६७ लाख टन २८५.५३ लाख टन ३ टक्के.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
