Nagpur News: देशांतर्गत बाजारात गव्हाची मुबलक उपलब्धता व शिल्लक साठा देखील पुरेसा असल्याच्या परिणामी दर दबावात येण्याचा धोका होता. ही बाब लक्षात घेत केंद्र सरकारने गहू साठ्यावर लागू असलेली साठा मर्यादा वेळेआधीच (स्टॉक लिमिट) हटविण्याचा निर्णय घेतला आहे..सरकारी अधिसूचनेनुसार, २७ मे २०२५ पासून ३१ मार्च २०२६ पर्यंत लागू असलेला गहू साठा मर्यादा आदेश आता देशभरातून रद्द करण्यात आला आहे. मात्र बाजारात पारदर्शकता राखण्यासाठी व्यापारी, गिरण्या आणि साठवणूक करणाऱ्या संस्थांना दर शुक्रवारी केंद्र शासनाच्या अधिकृत अन्न साठा पोर्टलवर गव्हाचा साठा जाहीर करणे बंधनकारक राहणार आहे..Wheat Stocks Limit: मोठा निर्णय! केंद्राने गव्हाच्या साठ्यावरील मर्यादा हटवली.म्हणजेच मर्यादा हटवली असली तरी गहू साठ्यावर शासनाची नजर कायम राहणार आहे. २०२५-२६ च्या ताज्या आकडेवारीनुसार, खासगी क्षेत्राकडे सुमारे ८१ लाख मेट्रिक टन गहू उपलब्ध असून, हा साठा मागील वर्षीच्या याच कालावधीपेक्षा सुमारे ३० लाख टनांनी अधिक आहे. त्यामुळे बाजारात टंचाईची आणि दरातही तेजीची शक्यता सध्या तरी नाही, असे विपणन क्षेत्रातील तज्ज्ञांनी सांगितले..Wheat Farming: माळशिरस तालुक्यात गव्हाचे पीक जोमात.बाजाराचा विचार करता, मागील वर्षी याच काळात प्रति क्विंटल सुमारे २,९५० रुपये असलेले ठोक दर सध्या घसरून २,८०० रुपयांच्या आसपास आले आहेत. मर्यादित मागणी, सरकारी खरेदीचा आधार आणि खासगी साठ्याची उपलब्धता यामुळे दर आटोक्यात असल्याचे व्यापाऱ्यांचे मत आहे..घसरत्या दरांना तात्पुरता आधारगहू साठा मर्यादा हटवणे बाजारासाठी सकारात्मक असले, तरी मोठा साठा आणि मर्यादित मागणीमुळे मोठी दरवाढ तत्काळ अपेक्षित नाही. मात्र या निर्णयामुळे सध्या घसरलेल्या दरांना २० ते ५० रुपयांचा तात्पुरता आधार मिळू शकतो, असा अंदाज व्यक्त केला जात आहे. शेतकऱ्यांनी बाजारातील आवक, मागणी आणि दरातील चढ-उतार लक्षात घेऊनच गहू विक्रीचा निर्णय घ्यावा, असा सल्ला विपणन क्षेत्रातील तज्ज्ञांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
