Nashik News : पर्जन्यमान कमी असल्याने कसमादे भागातील काही शेतकऱ्यांनी संभाव्य पाणीटंचाई लक्षात घेता आगाप उन्हाळ कांदा लागवडी केल्या होत्या. त्याची काढणी सुरू होऊन नव्या रब्बी उन्हाळ कांद्याची सटाणा बाजार समितीमध्ये आवक सुरू झाली आहे. त्यास क्विंटलला सरासरी ११८० रुपये दर मिळाला आहे. खरीप कांद्याच्या तुलनेत क्विंटलमागे १५० रुपये अधिक दर मिळाल्याचे दिसून आले.
सटाणा येथील शेतकरी भूषण केदा सोनवणे यांनी ऑक्टोबरमध्ये दुसऱ्या सप्ताहात ४ एकर क्षेत्रावर उन्हाळ कांद्याची आगाप लागवड केली होती. त्यांचा कांदा ११५ दिवसानंतर काढणीला आला. त्याची विक्री सटाणा बाजार समितीमध्ये केली. खरिपाच्या तुलनेत १५० रुपये अधिक दर त्यास मिळत आहे.
सोनवणे यांच्याकडून सोमवारी (ता.१२) पहिल्या दिवशी दोन खेपेत अनुक्रमे ३५ व ३१ अशी एकूण ६८ क्विंटल आवक झाली. त्यास प्रतिक्विंटल ११८१ रुपये दर मिळाला. दुसऱ्या दिवशी मंगळवारी (ता.१३) तीन खेपेत अनुक्रमे ३५,२५ व २५ क्विंटल अशी एकूण ८५ क्विंटल आवक झाली. त्यास प्रतिक्विंटल ११८० रुपये दर मिळाला.
काढणीस आलेल्या कांद्याचा रंग नेहमीप्रमाणे मध्यम फिकट व आकार ४० ते ५० मिमी व गोल्टी असा मिळाला आहे. मात्र हवामान प्रतिकूल असल्याने एकरी ११० क्विंटल उत्पादन मिळाले आहे. त्यामुळे उत्पादनात ३० टक्के घट आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
