Satara News : येथील शेती उत्पन्न बाजार समितीच्या गूळ मार्केट यार्ड आवारात यंदाच्या हंगामातील पहिल्याच मुहूर्ताच्या सौद्यास सोमवारी (ता. १६) प्रति क्विंटल ४१०० दर मिळाला. तर सरासरी ३८०० ते ४१०० रुपये दर मिळाला. तर पहिल्याच दिवशी ११० क्विंटल गुळाची आवक झाली.
कऱ्हाड शेती उत्पन्न बाजार समितीच्या आवारात बाजार समितीचे सभापती विजयकुमार कदम यांच्या हस्ते गुळाच्या सौद्यास प्रारंभ झाला. बाजार समितीचे संचालक जयंतीलाल पटेल, जगन्नाथ लावंड, गूळ व्यापारी देवेंद्र संगोई, तलकसी संगोई, केतन शहा, ओम गाला, शिवाप्पा खांडेकर, अशोक संसुद्दी व गूळ आडते शिवाजी पवार, अर्जुन पाटील, सर्जेराव पाटील, सुमित गांधी, रवी पाटील, सनी पाटील, अभिजित जाधव, राजेंद्र पवार, सागर पाटील आदी उपस्थित होते.
('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)
संजयकुमार आणि कंपनी, मे. जे. बी. लावंड, मे. आर. आर. पाटील या गूळ आडत दुकानामध्ये गुळाचे सौदे झाले. पश्चिम सुपनेतील हंबीरराव गायकवाड आणि सांगली जिल्ह्यातील देववाडी येथील अधिकराव मोरे यांच्या गुळाला प्रति क्विंटल ४१०० दर मिळाला.
आजच्या गूळ सौद्यामध्ये सरासरी ३८०० ते ४१०० रुपये दर मिळाला. या वेळी गूळ उत्पादक शेतकऱ्यांचा सभापती कदम यांच्या हस्ते सन्मान करण्यात आला. शेतकऱ्यांनी कऱ्हाड बाजार समितीत गूळ विक्रीसाठी आणावा, असे आवाहन सभापती कदम यांनी या वेळी केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
