चिकुमधील फांदीमर, पानावरील करपा रोगांचे नियंत्रण

येत्या काही दिवसात पावसाळी वातावरणामुळे चिकु पिकात फांदीमर व पानावरील करपा हे दोन मुख्य रोग येण्याची शक्यता आहे. या रोगांमुळे चिकुचे मोठ्या प्रमाणात नुकसान होते. त्यामुळे त्यांच्या नियंत्रणासाठी उपाययोजना करावयात.

फांदीमर रोगकारक बुरशी : बोट्रीओडीप्लोडीया थीओब्रोमी लक्षणे : बुरशीचा प्रादुर्भाव फांदीवर आढळून येतो. प्रादुर्भावग्रस्त फांद्यांची पाने सुकतात व गळून पडतात. बुरशीचा प्रसार फांदीच्या टोकाकडून मागे पसरत असल्याने फांदी टोकाकडून मरते. उपाय :  रोगट फांद्या कापून नष्ट कराव्यात. कापलेल्या जागी १० टक्के बोर्डो पेस्ट लावावी. बोर्डो मिश्रणाची (१ टक्के) फवारणी करावी.

पानावरील करपा लक्षणे : प्रादुर्भावग्रस्त पानांवर तपकिरी चट्टे दिसून येतात. नंतर हे चट्टे राखेच्या रंगासारखे होतात. चट्ट्यामधील भागातील पानांची अन्न तयार करण्याची क्रिया मंदावते. परिणामी उत्पादनात घट आढळते. उपाय : झाडावर १ टक्का बोर्डो मिश्रणाची फवारणी करावी. रोगट फांद्या कापून नष्ट कराव्यात. कापलेल्या जागी १० टक्के बोर्डो पेस्ट लावावी.

संपर्क : ए. एस. ढाणे, ७०२८०६५६२६ (कृषि संशोधन केंद्र, पालघर)