शेळ्यांचे उन्हाळ्यातील व्यवस्थापन

उन्हाळ्यामध्ये ११ ते ४ या दिवसाच्या काळात भरपूर ऊन असते. उन्हामुळे शेळ्यांमध्ये उष्माघाताचे प्रमाण वाढू शकते.

शेळ्यांना झाडपाल्याची जास्त गरज असते. शेळ्यांना दररोज पाच किलो हिरवा चारा, एक किलो वाळलेल्या चाऱ्याची आवश्‍यकता असते.

उन्हाळ्यात शेळ्यांना गोठ्यात पुरेशी जागा उपलब्ध करून द्यावी. त्यामुळे गोठ्यातील तापमानात जास्त वाढ होणार नाही. गोठ्याभोवती उंच सावली देणारी झाडे असल्यास गोठ्यातील व गोठ्याभोवतीचे वातावरण थंड राहते.

उन्हाळ्यामध्ये शेळ्यांची वाहतूक कमीत कमी अंतरावर करावी. ट्रकमध्ये शेळ्या वाहून नेताना वाहनामध्ये हवा खेळती राहील याची काळजी घ्यावी. वाहतूक शक्यतोसकाळी लवकर किंवा संध्यकाळी करावी