वाढत्या तापमानातही अधिक उत्पादन देणारे वाण

मागच्या रब्बी हंगामातील तापमानवाढीमुळे झालेल्या नुकसानीच्या पार्श्वभूमीवर कृषी संशोधकांनी वाढत्या तापमानात तग धरणाऱ्या पीबीडब्ल्यू-८२६ गव्हाचे नवे वाण विकसित केले आहे.

रब्बी पिकांवरील संशोधन आणि विस्तार या विषयावर आयोजित दोन दिवशीय प्रदर्शनात कृषी विद्यापीठातर्फे या वाणाची माहिती देण्यात आली.

मागच्या रब्बी हंगामात तापमानात झालेल्या वाढीमुळे गव्हाचे मोठे नुकसान झाले होते. ज्याचा मोठा फटका पंजाबसह सर्वच राज्यातील गहू उत्पादक शेतकऱ्यांना बसला होता.या पार्श्वभूमीवर पंजाब कृषी विद्यापीठाने वाढत्या तापमानात तग धरू शकणारे पीबीडब्ल्यू-८२६ हे गव्हाचे नवे वाण विकसित केले आहे.

मागच्या चार वर्षांपासून पीबीडब्ल्यू-८२६ या वाणाच्या चाचण्या घेतल्या असून हे नवे वाण १४८ दिवसांत विकसित करण्यात आले आहे. हे वाण सध्या राज्य सरकारच्या समितीकडे मंजुरीसाठी पाठवण्यात आले असून त्यांनतर ते प्रत्यक्ष वापरासाठी शेतकऱ्यांना उपलब्ध करून देण्यात येणार असल्याचे पंजाब कृषी विदयापीठाच्या संशोधन विभागाचे संचालक डॉ. अजमेर सिंग दत्त यांनी सांगितले.

एचडी ३०८६ आणि एचडी २९६७ या गव्हाच्या साधारण वाणापेक्षा पीबीडब्ल्यू-८२६ या वाणाचा गहू आकाराने ३१ टक्के मोठा आहे. तसेच एचडी ३०८६ आणि एचडी २९६७ या वाणांच्या तुलनेत या नवा वाणापासून १७ टक्के अधिक उत्पादन मिळत असल्याचे यावेळी कृषी संशोधकांनी सांगितले.