सानेन शेळीची वैशिष्ट्ये काय आहेत ?

आपल्याकडे शेळ्या प्रामुख्याने मांस उत्पादनासाठीच वापरल्या जातात. पण शेळ्यांच्या अशाही काही जाती आहेत ज्या दूध उत्पादनासाठी प्रसिद्ध आहेत. सानेन ही शेळीची अशी जात आहे जिला दुधाची राणी या नावाने संबोधले जाते. सानेन (sanen) ही जगातील चांगली विकसित झालेली, आणि इतर शेळ्यांच्या तुलनेत सर्वाधिक दुधाचे उत्पादन देणारी जात म्हणून ओळखली जाते. सानेन शेळीचे मूळ स्थान हे स्वित्झर्लंडच्या (switzerland ) सानेन खोऱ्यातील असल्याने तिला सानेन हे नाव पडले आहे. या जातीच्या कासेवर, कानावर आणि नाकावर काही वेळेस काळ्या रंगाचे ठिपके दिसून येतात.  या शेळ्यांचे (goat) कान ताठ, मध्यम लांबीचे असतात. या शेळीचा चेहरा सरळ असतो.

हेही पाहा- बोअर शेळी संगोपनाकडे वाढता कल

पूर्ण वाढ झालेल्या नराचे वजन ९० किलो असते, तर मादीचे वजन ६५ किलो असते. या जातीच्या शेळीची जगभरात मोठ्या प्रमाणावर निर्यात केली जाते.  एका वर्षातील दूध उत्पादन ३०० ते २००० किलोपर्यंतच मिळते.  दुधातील फॅटचे प्रमाण ३.५ % तर प्रोटीनचे प्रमाण ३.४ % असते. या शेळ्या दिवसाला ४ ते ४.५ लिटरपर्यंत दुधाचे उत्पादन देऊ शकतात.

हेही वाचा- महाराष्ट्रातील दुधाची राणी कोण?

सानेन शेळीची वैशिष्ट्ये