कर्मवीर दादासाहेब गायकवाड सबलीकरण व स्वाभिमान योजना

योजनेचे नाव- कर्मवीर दादासाहेब गायकवाड सबलीकरण व स्वाभिमान योजना

लाभार्थी-

- अनुसूचित जाती व नवबौध्द घटकातील दारिद्र्य रेषेखालील भूमिहीन शेतमजूर असावा.
- वयोमर्यादा १८ ते ६० वर्षे इतकी असावी.
- भूमिहीन शेतमजूर असल्यास स्त्रिया/ विधवा स्त्रिया व अनुसूचित जाती/ जमाती अत्याचार प्रतिबंधक कायद्यांतर्गत अनुसूचित जातीतील अत्याचारग्रस्त यांना प्राधान्य देण्यात येईल

लाभाचे स्वरूप- दोन एकर ओलिताखालील किंवा चार एकर कोरडवाहू शेतजमीन असल्यास ५० टक्के अनुदान व ५० टक्के बिनव्याजी कर्ज स्वरुपात उपलब्ध करून देण्यात येते.

आवश्यक कागदपत्रे –

- विहित नमुन्यातील अर्ज फोटोसह भरावा.
- अर्जदार अनुसूचित जाती या प्रवर्गातील असल्याचा उपविभागीय अधिकारी यांनी दिलेले विहित प्रमाणपत्र
- रहिवासी दाखला
- रेशन कार्ड झेरॉक्स
- आधारकार्ड, मतदान कार्ड, भूमिहीन शेतमजूर असल्याबाबत तहसीलदार यांनी निर्गमित केलेला दाखला
- मागील वर्षाचा वार्षिक उत्पन्नाचा तहसीलदार यांचा दाखला
- वय ६० वर्षाखालील असल्याचा वयाचा पुरावा
- लाभार्थी दारिद्र्य रेषेखालील असल्याबाबत विहित प्रमाणपत्र
- शेतजमीन पसंतीबाबत लाभार्थ्याचा १०० रुपयांच्या स्टॅम्प पेपरवरील प्रतिज्ञापत्र

संपर्क- जिल्ह्याचे सहाय्यक आयुक्त, समाज कल्याण कार्यालय

वेबसाईट- https://sjsa.maharashtra.gov.in

राज्यात राहणार्‍या अनुसूचित जाती व नवबौद्ध प्रवर्गातील लोकांना रोजगाराच्या संधी उपलब्ध व्हाव्यात म्हणून भूमिहीन शेतमजूरांसाठी राज्य सरकारने कर्मवीर दादासाहेब गायकवाड स्वाभिमान व सबलीकरण योजना राबविण्याचा निर्णय घेतला आहे.