माशांच्या शेतीत पाण्याची प्रत राखा!

मस्त्यशेतीचा व्यवसाय यशस्वी होण्यासाठी पाण्याची प्रत फार महत्त्वाची असते. पाण्याच्या गुणवत्तेवर माशांची वाढ अवलंबून असते. मस्त्यशेतीकरता वापरण्यात येणारे पाणी निर्जंतुक आणि स्वच्छ असावे लागते. पाण्यातील एकूण क्षार घटकांच्या प्रमाणानुसार मस्त्यशेतीचे एकूण तीन प्रकार येतात. यात,

- गोड्या पाण्यातील मस्त्यशेतीमध्ये क्षारांचे प्रमाण ०.१ ते ०.५ असते.

- निमखाऱ्या पाण्यातील मस्त्यशेतीमध्ये क्षारांचे प्रमाण ०.५ ते ३५ असते.

- तर खाऱ्या पाण्यातील मस्त्यशेतीमध्ये क्षारांचे प्रमाण हे ३५ च्या वर असते.

गोड्या पाण्यात प्रामुख्याने भारतीय कार्प, चायनिज कार्प, तिलापिया, पंगस, देशी मागूर आणि कोळंबीचे संवर्धन केले जाते.

- माशांच्या योग्य वाढीसाठी पाण्याचे गुणधर्म अत्यंत महत्त्वाचे असतात, कारण पाण्याच्या गुणवत्तेवर माशांची वाढ अवलंबून असते.

- सर्वसाधारणपणे या तलावाची पाण्यानी व्यापलेली खोली १ ते १.५ मीटर असावी. खोली याहून जास्त असल्यास पाण्याचे व्यवस्थापन करताना अडचण निर्माण होते.

- पाण्यातील मूलभूत घटक, जसे कि सामू, क्षारांचे प्रमाण, पाण्याचे गुरुत्व, पाण्यातील विद्राव्य ऑक्सिजन आणि इतर नायट्रोजन पदार्थ इत्यादीचे पाण्यामध्ये योग्य प्रमाण असावे लागते.

- पाण्यातील घटक गुणधर्म सभोवतील पार्यावरण, पाण्यातील सेंद्रिय घटक, गाळाची माती, पाण्यातील सूक्ष्म जीव इत्यादींवर अवलंबून असतात. पाण्याचे योग्य गुणधर्म टिकवून ठेवण्याकरिता सर्व बाबींचे योग्य व्यवस्थापन असावे लागते.

- तलावातील पाणी वाढविण्यासाठी आणि कमी करण्यासाठी इनलेट दरवाजा व आउटलेट दरवाजाचा वापरावा.