काय आहे महिला किसान योजना ?

महिला व बालकांच्या सर्वांगीण विकासासाठी महिला व बाल विकास विभाग सतत प्रयत्नशील आहे. देशात आणि राज्यात महिलांच्या विकासासाठी अनेक योजना उपलब्ध आहेत. परंतु त्या योजनाची माहिती गरजूंपर्यंत पोहोचत नसल्याने या योजनाचा लाभ राज्यातील गरजू महिलांना कमी प्रमाणात मिळतो. योजनेचे नाव- महिला किसान योजना राष्ट्रीय अनुसूचित जाती वित्त व विकास महामंडळांतर्गत  जिल्हा स्तरावर महात्मा फुले मागासवर्ग विकास महामंडळामार्फत या योजनेची अंमलबजावणी केली जाते. लाभार्थी निवडीचे निकष - -    अर्जदार ही चर्मकार समाजातील महिला असावी. -    शिक्षणाची कोणतीही अट नाही -    अर्जदार ही १८ ते ५० वयोगटातील असावी -    यापैकी दहा हजार रुपयांचे अनुदान असते उर्वरित कर्ज पाच वर्षात फेडण्याची तयारी असावी. -    संबंधित व्यवसायाचे प्रशिक्षण घेतलेले असावे. -    योजना शहरी आणि ग्रामीण भागातील महिलांसाठी आहे. लाभाचे स्वरुप- या योजनेंतर्गत जास्तीत जास्त ५० हजार रुपयांपर्यंतचे कर्ज उपलब्ध करुन दिले जाते. आवश्यक कागदपत्रे- -    विहित नमुन्यातील अर्ज व अनुभव प्रमाणपत्र -    उत्पन्नाचा दाखला -    जातीचे प्रमाणपत्र प्रशिक्षण प्रमाणपत्र -    रहिवासी दाखला, कच्च्या मालाची दरपत्रके -    व्यवसायाच्या जागेसंबंधीची कागदपत्रे -    व्यवसायाशी निगडीत परवानगी -    दोन सरकारी नोकरदारांचे हमीपत्र वीस रुपयाच्या स्टँप पेपरवर -    दोन जामीनदारांची संमतीपत्रे -    अर्जदाराची दोन छायाचित्रे संपर्क- आवश्यक कागदपत्रांसह महात्मा फुले मागासवर्ग विकास महामंडळाच्या जिल्हा व्यवस्थापक यांच्या कार्यालयाकडे संपर्क करावा.