Cattle Vaccination: पावसाळ्यात मोठ्या जनावरांमध्ये प्रामुख्याने घटसर्प, फऱ्या आणि लाळ्या-खुरकुत यांसारखे आजार आढळतात. तर शेळ्या-मेंढ्यांमध्ये पीपीआर आणि आंत्रविषार या रोगांचा धोका जास्त असतो. या रोगांमुळे जनावरांची उत्पादनक्षमता घटते, दूध उत्पादन कमी होते आणि काही वेळा मृत्यूही होऊ शकतो. त्यामुळे रोग येण्याआधीच लसीकरण केल्यास जनावरांचे संरक्षण होते आणि उपचारावरील खर्चही वाचतो..मोठ्या जनावरांमध्ये घटसर्प हा गंभीर श्वसनसंस्थेचा आजार आहे. या रोगामध्ये जनावरांचा घसा सुजतो, ताप येतो आणि श्वास घेण्यास त्रास होतो. या रोगाविरुद्ध अॅलम प्रेसिपिटेड लसीची ५ मिली मात्रा कातडीखाली किंवा ऑईल अॅडज्युव्हंट लसीची २ मिली मात्रा कातडीखाली दिली जाते..Animal Vaccination : ‘लाळ्या खुरकूत’साठी अकोल्याला दोन लाख ४० हजार लसी.फऱ्या या रोगामध्ये पाय सुजणे, लंगडेपणा आणि स्नायूंमध्ये गॅस तयार होणे अशी लक्षणे दिसतात. या रोगाविरुद्ध २ मिली लस कातडीखाली द्यावी. हि माहिती लातूरच्या रेणापूर तालुक्यातील पशुधन विकास अधिकारी डॉ. गणेश निटुरे यांनी दिली आहे.लाळ्या-खुरकुत रोगामुळे जनावरांच्या तोंडात आणि खुरांमध्ये जखमा होतात. या रोगाविरुद्ध २ मिली लस स्नायूमध्ये दिली जाते. या रोगाची लस मार्चमध्ये दिली असल्यास ६ महिने तिचा परिणाम असतो, त्यामुळे आता देण्याची आवश्यकता नाही..Poultry Vaccination Schedule: राणीखेत ते गंबोरो; कोंबड्यांना कोणती लस कधी द्यावी?.शेळ्या-मेंढ्यांमध्ये पीपीआर हा गंभीर विषाणूजन्य रोग आहे. यामध्ये ताप, खोकला, नाकातून स्त्राव आणि जुलाब अशी लक्षणे दिसतात. तसंच आंत्रविषार हा रोग विशेषतः पावसाळ्यात मोठ्या प्रमाणात चारा खाल्ल्यानंतर आतड्यांमध्ये क्लास्ट्रोडियम जिवाणूंच्या वाढीमुळे होतो. या रोगामुळे अचानक मृत्यू होण्याची शक्यता असते. त्यामुळे या दोन्ही रोगांविरुद्ध वेळेत लसीकरण करणे गरजेचे आहे..लसीकरण करण्यापूर्वी जनावरांना जंतनाशक औषध द्यावे. तसेच गोठ्यातील स्वच्छता, गोचीड-गोमाशी नियंत्रण आणि आहारातून खनिज मिश्रण व जीवनसत्त्वांचा पुरवठा करावा. यामुळे लसीचा परिणाम अधिक चांगला दिसून येतो.लसीकरण नेहमी तज्ज्ञ पशुवैद्यकांच्या सल्ल्यानेच करावे. कारण लस टोचल्यानंतर रोगप्रतिकारशक्ती तयार होण्यासाठी साधारण २१ दिवस लागतात. त्यामुळे रोगाची साथ येण्याआधीच जनावरांचे लसीकरण पूर्ण करणे शेतकऱ्यांसाठी फायदेशीर ठरते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
