Jalgaon News : खानदेशात यंदा पाऊस बऱ्यापैकी झाला आहे. सध्या माळरानात मुबलक चारा आहे. अशातच पश्चिम भागातील मेंढपाळ बांधव खानदेशात याच महिन्यात दाखल झाले आहेत. चारा व पाणी टंचाई यंदा दिसत नाही. दरवर्षी मेंढपाळ बांधव मार्चंमध्ये दाखल व्हायचे. पण यंदा ही मंडळी लवकर दाखल झाली आहे..खानदेशात धुळे, नंदुरबार भागातील मेंढपाळ बांधव येतात. यंदा नाशिकमधील नांदगाव व लगतच्या भागातील मेंढपाळही आले आहेत. पऱ्हाटीचे क्षेत्र यंदा लवकर उलंगवाडीत जाईल, अशी स्थिती आहे. कारण पाऊस अधिक झाला. खरिपातील पिके घेऊन क्षेत्र रिकामे झाले आहे. कोरडवाहू क्षेत्रात खरिपातील पिके लवकर संपली. यामुळे या भागात मेंढ्यांची चराई सुरू दिसत आहे. .Migration of Shepherds : दुष्काळाच्या चटक्यांकुळे मेंढपाळांचे स्थलांतर.दरवर्षी ही मंडळी मार्च ते एप्रिल या कालावधीत जळगाव जिल्ह्यातील जामनेर, रावेर, यावल, चोपडा, जळगाव, भडगाव, धुळ्यातील शिरपूर आदी भागात दाखल होते. पावसाळ्यापर्यंत किंवा अगदी पाच ते १० जूनपर्यंत ही मंडळी शिवारात असते. .चांगला पाऊस झाल्यानंतर त्यांचा मुक्का शेतातून नदीत किंवा शासकीय जागा, गावठाण क्षेत्रात असतो. आपल्या भागात चांगला पाऊस झाल्यानंतर ही मंडळी आपापल्या गावी पोचते. खानदेशात धुळ्यातील साक्री, धुळे, नंदुरबारातील नंदुरबार, नाशिकमधील नांदगाव, येवला भागातील मेंढपाळ आहेत..Sahyadri Shepherd Community : सह्याद्रीच्या जंगलातले कठीण आयुष्य आणि सगाबाईंची जिद्द .शिवारात दोन-तीन दिवस मुक्कामशेतकरी आपल्या रिकाम्या क्षेत्रात या मंडळीला मेंढ्या व संसाराची जागा देतात. दोन-पाच दिवस एका शेतकऱ्याकडे ही मंडळी मुक्कामी असते. त्याचा दरदिवसाचा पाच-सात हजार रुपये मोबदला या मंडळीला मिळतो. तसेच स्थानिक ग्रामपंचायतीदेखील आपल्या पूर्ण शिवारात या मेंढपाळांना चराई व पाण्यासंबंधीची मोकळीक निधी घेऊन देतात. .जेवढे शिवार मोठे तेवढा मोबदला अधिकचा या मंडळीला ग्रामपंचायतींना द्यावा लागतो. ४०० ते ५०० हेक्टर क्षेत्रात चराईसाठी ही मंडळी ग्रामपंचायतींना ५० ते ६० हजार रुपये देते. दोन ते अडीच महिने ही मंडळी संबंधित क्षेत्रात विविध शेतांत मुक्कामी राहते. मेंढ्यांचे मलमूत्र शेतांना लाभदायी मानले जाते यामुळे शेतकरी या मंडळीचा मुक्काम आपल्या शेतात ठेवतात. एका शिवारात चार ते पाच मेंढपाळ आपल्या मेंढ्या, संसारासह दाखल होतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
