उन्हाळ्यात हिरवा चारा लवकर उपलब्ध होत नाही. त्यात पाण्याची कमतरता, महागडे पशुखाद्य यांमुळे जनावरांना चारा उपलब्ध करुन देण्यात शेतकऱ्यांना अडचणी येतात. परंतु उन्हाळ्यात कमी पाण्यात आणि कमी कालावधील येणारे बाजरीचे पीक जनावरांसाठी मात्र उत्तम चारा पीक होऊ शकते. त्यामुळे उन्हाळ्यात चाऱ्यासाठी बाजरीची लागवड शेतकऱ्यांसाठी उपयुक्त ठरु शकते..जमिनीची निवड आणि तयारीचाऱ्यासाठी बाजरीला हलकी ते मध्यम, चांगल्या निचऱ्याची जमीन योग्य असते. पाण्याचा निचरा होत नसणाऱ्या जमिनीत बाजरीची वाढ नीट होत नाही, म्हणून अशा जमिनी टाळाव्यात. लागवडीपूर्वी शेताची एक खोल नांगरट करावी आणि नंतर २ ते ३ कुळवाच्या पाळ्या देऊन जमीन भुसभुशीत करावी. मोकळी व सैल जमीन असल्यास मुळे चांगली पसरतात आणि पीक जोमाने वाढते..Summer Bajara Cultivation: योग्य तंत्र वापरा, उन्हाळी बाजरीतून भरघोस उत्पादन घ्या!.पेरणीची योग्य वेळबाजरीची लागवड उन्हाळ्यात हिरव्या चाऱ्यासाठी फेब्रुवारी ते मार्च या कालावधीत पेरणी करता येते. तसेच खरीप हंगामात जून ते जुलै या काळात करता येते. योग्य वेळी पेरणी केल्यास उगवण चांगली होते आणि उत्पादन वाढते..सुधारित वाण व पेरणी पद्धतचाऱ्यासाठी जायंट बाजरा आणि बायफ बाजरा हे वाण अधिक उत्पादन देणारे मानले जातात. या वाणांची शिफारस महात्मा फुले कृषि विद्यापीठ करते. हेक्टरी साधारण १० किलो बियाणे पुरेसे असते. पेरणी करताना ओळीतील अंतर सुमारे ३० सेंटीमीटर ठेवावे. योग्य अंतरामुळे झाडांना पुरेसा सूर्यप्रकाश व हवा मिळते..खत व पाणी व्यवस्थापनबाजरीच्या चांगल्या वाढीसाठी ५ टन शेणखत किंवा कंपोस्ट खत जमिनीत मिसळावे. यासोबत पेरणीच्या वेळी नत्र, स्फुरद आणि पालाश संतुलित प्रमाणात द्यावे. पेरणीनंतर २५ ते ३० दिवसांनी नत्राचे वरखत दिल्यास पीक अधिक हिरवे व दाट वाढते. पाण्याचा अति वापर टाळावा, मात्र गरजेनुसार वेळेवर पाणी देणे आवश्यक आहे..कापणी, उत्पादन आणि पोषणमूल्यबाजरीची कापणी कणीस बाहेर येऊ लागल्यावर, म्हणजेच पेरणीनंतर साधारण ५५ ते ६० दिवसांनी करावी. योग्य व्यवस्थापन केल्यास हेक्टरी ४०० ते ५०० क्विंटल हिरवा चारा मिळू शकतो. पीक अर्ध्या फुलोऱ्यात असताना चाऱ्यातील प्रथिनांचे प्रमाण ७ ते ९ टक्के असते, जे जनावरांच्या दुध उत्पादनासाठी उपयुक्त ठरते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
