Ahilyanagar News : अहिल्यानगर जिल्ह्यात गेल्या काही दिवसांपासून पशुधनाला लम्पीची बाधा वाढत आहे. अलिकडच्या एक महिन्यापासून झपाट्याने बाधित जनावरांची संख्या वाढत आहे. आतापर्यंत १९३० जनावरांना बाधा झाली आहे. त्यात तब्बल ८१५ वासरांचा समावेश आहे. .आतापर्यंत या आजारातून १३०८ पशुधन बरे झाले आहे. मात्र वाढती बाधित संख्या दूध उत्पादक, पशुपालकांची चिंता वाढवणारी आहे. अहिल्यानगर जिल्ह्यात पशुधनाची संख्या अधिक असून गायवर्गीय जनावरांची संख्या जवळपास १४ लाखांवर आहे. .Lumpy Skin Disease: राज्यात नऊ हजार पशुधनांना ‘लम्पी’.सुरुवातीला पशुधनाला लम्पीचा फारसा प्रादर्भाव नव्हता, मात्र अलिकडच्या एक महिन्यापासून प्रादुर्भाव वाढला आहे. आतापर्यंत अहिल्यानगर जिल्ह्यात १९३० पशुधन बाधित झाले. त्यात सर्वाधिक नेवासा तालुक्यात ४८८, अहिल्यानगर तालुक्यात १७, अकोले तालुक्यात २०, जामखेड तालुक्यात ९, कर्जत तालुक्यात १२५, कोपरगाव तालुक्यात १५४, पारनेर तालुक्यात ३६, पाथर्डी तालुक्यात २६, राहाता तालुक्यात ४०१, राहुरी तालुक्यात १९२, संगमनेरला २७८, शेवगावला ८४, श्रीगोंद्याला २७ व श्रीरामपुर तालुक्यात ६९ पशुधन बाधित झाले आहे. .बाधितांपैकी १३०८ पशुधन बरे झाले. आतापर्यंत ३५३ गावांत ही बाधित जनावरे आढळली. त्या गावांसह परिसरातील पाच किलोमीटर अंतरावर नियंत्रित क्षेत्र केले आहे. बाधित पशुधनात ८१३ वासरे आहेत. त्यातील आतापर्यंत ५३८ वासरे बरी झाली असल्याचे पशुसंवर्धन विभागातून सांगण्यात आले. लम्पीचे लसीकरण केले जात आहे. बाधित पशुधन बरेही होत आहे. मात्र अलिकडच्या एक महिन्यापासून बाधित पशुधनाची वाढणारी संख्या पशुपालकांची चिंता वाढवणारी आहे..Lumpy Skin Disease: लम्पीमुळे ४७ जनावरे दगावली; अहिल्यानगरमधे लम्पी रोगाचा उद्रेक .५८ पशुधनाचा मृत्यूअहिल्यानगर जिल्ह्यात आतापर्यंत लम्पीने बाधित झालेल्यांतील सुमारे ५५ पशुधनाचा मृत्यू झाला आहे. त्यात एकट्या राहाता तालुक्यात २२ पशुधन दगावले आहे. या तालुक्यात बाधित पशुधनाची संख्याही अधिक आहे. .श्रीरामपूर तालुक्यात १, शेवगाव तालुक्यात २, श्रीगोंदा तालुक्यात २, राहुरी तालुक्यात ६, नेवासा तालुक्यात १०, कोपरगाव तालुक्यात ३ व कर्जत तालुक्यात ३ व संगमनेर तालुक्यात ९ पशुधनाचा मृत्यू झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
