Indian Cow Breeds: दूध आपल्या दैनंदिन आहारातला महत्त्वाचा घटक. पण या दुधाचे ए१ आणि ए२ असे दोन प्रकार पडतात, याबद्दल आपण जाणतो. परंतु हे प्रकार दुधामध्ये असणाऱ्या बीटा केसिन घटकामुळे पडतात. दुधामधल्या अमिनो आम्लातील छोटासा बदल पचनासाठी मोठा फरक निर्माण करतो..ए२ दूध कोण देते?ए१ आणि ए२ हे दुधाचे प्रकार केवळ गायीच्या दुधामध्येच आढळतात. तर म्हैस, शेळी यांच दूधही ए२ प्रकारात येते.गायीच्या जातीनुसार तिच्यामध्ये दुधाचे प्रकार आढळतात.विदेशी जाती जसे होलस्टीन फ्रिझियनमध्ये ए१ दूध देतात.देशी भारतीय गाय जसे गीर, सहिवाल यांच्यामध्ये प्रामुख्याने ए२ दूध देतात..Desi vs Layer Eggs: कोणती अंडी खायची? गावरान की लेयर.फरक काय?गायीच्या दुधामध्ये मुख्यत: केसिन प्रोटीन असते ज्यामध्ये बीटा केसिन हा मुख्य घटक असतो. याच बीटा केसिनचे दोन प्रमुख प्रकार आहेत ए१ दूध आणि ए२ दूध. यामध्ये मुख्य फरक फक्त एका अमिनो आम्लाचा असतो. ए२ दुधात प्रोलिन असते तर ए१ दुधात हिस्टिडिन असते. परंतु याच बदलामुळे दुधाचे माणसांच्या शरीरावर वेगवेगळे परिणाम होतात..शरीरावरील परिणाम?ए१ दूध पचताना शरीरात बीटा कॅसोमॉर्फिन ७ या नावाचे घटक तयार होऊ शकतात. यामुळे शरीरातील मज्जासंस्था, रोगप्रतिकारक शक्ती आणि हार्मोन प्रणालीवर परिणाम करु शकतो. ए१ दूध पिल्याने काही लोकांमध्ये हिस्टामिन वाढून पचनाचे त्रास हो शकतात. जसे, पोटात दुखणे, अपचन आणि गॅस, आतड्यांमधील सूज, टाईप १ मधूमेह आणि हृदयविकारासारखे आजार तसेच काही प्रकरणांमध्ये ऑटिझमसारख्या विकारांशी ए१ दुधाचा संबंध असू शकतो..Livestock Care: उन्हाळ्यातील जनावरांचे आहार व्यवस्थापन.ए२ दूध उत्तमए१ दुधाच्या उलट ए२ दूध पचायला सोपे मानले जाते. कारण त्यातून बीटा कॅसोमॉर्फिन ७ (बीसीएम ७) तयार होत नाही. तसेच ए२ दुधात कॅल्शियम व मॅग्नेशियमचे संतुलन चांगले असते. त्यामुळे शरीराला पोषक घटक योग्य प्रमाणात मिळतात. ए१ दुधात हे संतुलन मात्र बिघडू शकते. त्यामुळे ए२ दूध घेतल्यावर पोटाच्या तक्रारी कमी होऊ शकतात आणि पचन सुधारू शकते, असे तज्ज्ञांचे म्हणणे आहे..आज बाजारात ए२ दुधाला जास्त मागणी असते तर किंमतही जास्त मिळते. त्यामुळे शेतकऱ्यांसाठी देशी गायांचे संगोपन फायदेशीर ठरु शकते. ए२ दुधाच्या उत्पादनामुळे उत्पन्न वाढू शकते. ए१ आणि ए२ दुध ओळखण्यासाठी डीएनए टेस्ट, (PCR, SNP genotyping) आणि प्रोटीन चाचण्या (LC-MS) वापरल्या जातात. काही संशोधन असेही सांगते की ए१ दुधाचे दुष्परिणाम निश्चितपणे सिद्ध झालेले नाहीत त्यामुळं अजूनही यावर वैज्ञानिक मतभेत आहेत, असे आंतरराष्ट्रीय पशुवैद्यकीय विज्ञान आणि पशुपालन नियतकालिकात नमूद केलेले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
