शेतकरी ः योगेश रामदास घुले गाव ः गिरणारे (ता. जि. नाशिक) पीक ः टोमॅटो   नाशिक जिल्ह्यातील गिरणारे परिसरात टोमॅटो हे मुख्य पीक आहे. टोमॅटोसाठी खरीप हंगाम सर्वांत महत्त्वाचा असतो. येथेच टोमॅटो मार्केट असून देशभरातील व्यापारी खरेदीसाठी हंगामात इथे येतात. त्यामुळे टोमॅटो पीक येथील शेतकऱ्यांसाठी इतर पिकांच्या तुलनेत अधिक सोयीचे बनले आहे. योगेश घुले दरवर्षी खरीप हंगामात टोमॅटोची तीन एकर क्षेत्रावर लागवड करतात. १ ते १५ जुलै या कालावधीत बियाणे टाकले जाते. बियाणे टाकण्याआधी गादी वाफ्यावर कुजलेले शेणखत, कंपोस्ट खत, निंबोळी पेंड, सुपर फॉस्फेट ही खते जमिनीमध्ये मिसळली जातात. त्यानंतरच बी टाकले जाते. १५ ऑगस्टच्या दरम्यान लागवड होते. खत व्यवस्थापनात सेंद्रिय, रासायनिक, जैविक या सर्व पद्घतींचा एकात्मिक स्वरूपात अवलंब केला जातो.

संपर्क ः योगेश घुले, ९७६७३७३३९७