Pune News: गेल्या काही दिवसांपासून काहीशी उघडीप देणाऱ्या पावसाने पुन्हा हजेरी लावली आहे. यातच उन्हाचा चटका आणि उकाड्यातही वाढ झाली आहे. आज (ता. ७) अहिल्यानगर, छत्रपती संभाजीनगर, बीड जिल्ह्यांत जोरदार पावसाची शक्यता आहे. तर उर्वरित मध्य महाराष्ट्र, मराठवाडा आणि विदर्भात विजांसह वादळी पावसाचा अंदाज असल्याने दक्षतेचा इशारा (येलो अलर्ट) कायम असल्याचे हवामान विभागाने म्हटले आहे.

मराठवाडा आणि कर्नाटक परिसरावर समुद्र सपाटीपासून ३.१ किलोमीटर उंचीवर चक्राकार वारे वाहत आहेत. तसेच मध्य महाराष्ट्रापासून आंध्र प्रदेशापर्यंत हवेचा कमी दाबाचा पट्टा सक्रिय आहे. ही स्थिती पूरक ठरल्याने राज्यात पावसाला पोषक हवामान होत आहे. यातच शुक्रवारी (ता. ६) सकाळपर्यंतच्या २४ तासांमध्ये विदर्भातील नागपूर येथे राज्यातील उच्चांकी ३९ अंश तापमानाची नोंद झाली.

आज (ता. ७) राज्यात विजांसह पावसाची शक्यता आहे. अहिल्यानगर, छत्रपती संभाजीनगर, बीड या जिल्ह्यांमध्ये जोरदार पावसाची शक्यता आहे. तर मध्य महाराष्ट्रातील नाशिक, पुणे, सातारा, सांगली, सोलापूर, मराठवाड्यातील जालना, धाराशिव, परभणी, हिंगोली, विदर्भातील बुलडाणा, अकोला, अमरावती, वर्धा, नागपूर, भंडारा, चंद्रपूर, गडचिरोली जिल्ह्यांत विजासंह वादळी पावसाचा अंदाज असल्याने दक्षतेचा इशारा (येलो अलर्ट) देण्यात आला आहे.

शुक्रवारी (ता. ६) सकाळपर्यंतच्या २४ तासांमध्ये राज्यात पडलेला पाऊस, मिमीमध्ये. (सौजन्य : हवामान विभाग)

कोकण : विक्रमगड ४०, ठाणे ३०, भिवंडी २०.

मध्य महाराष्ट्र : त्र्यंबकेश्‍वर ४०, कोल्हापूर, राहुरी ३०, वाई, नाशिक, कागल प्रत्येकी २०, सातारा, इगतपुरी, चास, हातकणंगले, गारगोटी, जेऊर, शिरूर, सिन्नर प्रत्येकी १०.

मराठवाडा : पाथरी, फुलांब्री १०.

मॉन्सूनच्या प्रगतीसाठी वाट पाहावी लागणार

नैर्ऋत्य मोसमी वारे (मॉन्सून) वेळेपूर्वी दाखल झाल्यानंतर मॉन्सूनची प्रगती थांबली आहे. मुंबई, अहिल्यानगर, अदिलाबाद, पुरी आणि पूर्व भारतातील बालूरघाटपर्यंत मॉन्सूनची सीमा शुक्रवारी (ता. ६) स्थिर होती. मॉन्सूनचे प्रवाह अद्यापही कमजोर असल्याने पुढील वाटचालीसाठी वाट पाहावी लागणार आहे.

शुक्रवारी (ता. ६) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३२.०---२३.६

‎‎धुळे---३७.०---२४.४

जळगाव---३७.४---२६.०

‎‎कोल्हापूर---३१.३---२२.३

‎महाबळेश्‍वर---२३.४---१७.९

मालेगाव---३४.२---२१.८

‎‎नाशिक---३२.१---२१.३

‎निफाड---३३.७---२१.२

‎सांगली---३०.९---२३.३

‎सातारा---३०.०---२२.४

‎सोलापूर---२९.६---२३.६

‎सांताक्रूझ---३३.०---२६.६

डहाणू---३३.९---२५.१

‎रत्नागिरी---३२.०---२४.५

‎छत्रपती संभाजीनगर---३१.६---२३.०

‎धाराशिव---३४.२---२०.७

‎परभणी---३५.३---२४.०

परभणी (कृषी)---३५.३---२४.०

‎‎अकोला---३८.६---२६.९

अमरावती---३६.६---२४.८

‎‎‎बुलडाणा---३५.०---२५.०

‎रत्नागिरी---३२.०---२४.५

‎छत्रपती संभाजीनगर---३१.६---२३.०

‎धाराशिव---३४.२---२०.७

‎परभणी---३५.३---२४.०

परभणी (कृषी)---३५.३---२४.०

‎‎अकोला---३८.६---२६.९

अमरावती---३६.६---२४.८

‎‎‎बुलडाणा---३५.०---२५.०

‎ब्रह्मपुरी---३८.८---२४.९

‎चंद्रपूर---३८.२---२६.६

‎गडचिरोली---३७.४---२५.४

‎गोंदिया---३७.८---२६.०

‎नागपूर---३९.०---२५.६

‎वर्धा---निरंक---२५.५

‎वाशीम---३५.२---निरंक

‎यवतमाळ---३७.२---२९.०

जोरदार पावसाची शक्यता (येलो अलर्ट) :

अहिल्यानगर, छत्रपती संभाजीनगर, बीड.

विजांसह वादळी पावसाची शक्यता (येलो अलर्ट) :

नाशिक, पुणे, सातारा, सांगली, सोलापूर, जालना, धाराशिव, परभणी, हिंगोली, बुलडाणा, अकोला, अमरावती, वर्धा, नागपूर, भंडारा, चंद्रपूर, गडचिरोली.