Pune News : राज्यात उन्हाचा ताप वाढल्याने कमाल तापमानाचा पारा पुन्हा चाळीशीपार गेला आहे. तर राज्याच्या विविध भागात वादळी पावसाचा तडाखा सुरूच आहे. आज (ता. २७) कोकणात उष्ण व दमट हवामानाचा, तर मध्य महाराष्ट्र, मराठवाडा, विदर्भात तुरळक ठिकाणी वादळी वारे, विजांसह पावसाचा इशारा (येलो अलर्ट) हवामान विभागाने दिला आहे.

मराठवाड्यापासून तमिळनाडूपर्यंत हवेचा कमी दाबाचा पट्टा सक्रिय आहे. राज्याच्या विविध भागात ढगाळ हवामान होत असून, पावसाला पोषक हवामान कायम आहे. आज (ता. २७) मध्य महाराष्ट्रातील नगर, सोलापूर, मराठवाड्यातील बीड, धाराशीव, लातूर, आणि विदर्भातील यवतमाळ, चंद्रपूर, भंडारा, गोंदिया, गडचिरोली जिल्ह्यांत तुरळक ठिकाणी वादळी वारे, विजांसह पावसाचा इशारा (येलो अलर्ट) आहे.

शुक्रवारी (ता. २६) सकाळपर्यंतच्या २४ तासांमध्ये जळगाव येथे राज्यातील उच्चांकी ४२.७ अंश सेल्सिअस तापमानाची नोंद झाली. तर कमाल तापमानात वाढ झाल्याने चंद्रपूर, वाशीम, अकोला, वर्धा, जेऊर, धुळे, मालेगाव येथे पारा ४२ अंशांवर पोचला. राज्यात अनेक ठिकाणी तापमान ४० अंशांवर आहे.

शुक्रवारी (ता. २६) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३९.४, धुळे ४२.०, जळगाव ४२.७, जेऊर ४२.५, कोल्हापूर ३६.९, महाबळेश्वर ३०.९, मालेगाव ४२.०, नाशिक ३९.८, निफाड ३९.०, सांगली ३८.४, सातारा ३८.०, सोलापूर ४१.१, सांताक्रूझ ३४.९, डहाणू ३३.३, रत्नागिरी ३३.२,

छत्रपती संभाजीनगर ३८.४, बीड ४१.१, नांदेड ४०.८, परभणी ४०.७, अकोला ४२.०, अमरावती ४१.६, बुलडाणा ४०.५, ब्रह्मपुरी ४१.६, चंद्रपूर ४२.६, गडचिरोली ४०.०, गोंदिया ३८.०, नागपूर ४०.१, वर्धा ४२.०, वाशीम ४२.६, यवतमाळ ४०.०.

- उष्ण व दमट हवामानाचा इशारा (येलो अलर्ट) :

पालघर, ठाणे, मुंबई, रायगड, रत्नागिरी, सिंधुदुर्ग.

- वादळी पावसाचा इशारा (येलो अलर्ट) :

नगर, सोलापूर, बीड, धाराशीव, लातूर, यवतमाळ, चंद्रपूर, भंडारा, गोंदिया, गडचिरोली.

४२ अंशांपेक्षा अधिक कमाल तापमान असलेली ठिकाणे :

जळगाव ४२.७, चंद्रपूर ४२.६, वाशीम ४२.६, जेऊर ४२.५, धुळे ४२.०, मालेगाव ४२, अकोला ४२, वर्धा ४२.