Pune News : राज्यात एकीकडे उन्हाचा चटका चांगलाच वाढला. तर दुसरीकडे पुन्हा एकदा पावसासाठी पोषक वातावरण तयार होत आहे. पुढील पाच दिवस राज्यातील काही भागात पावसाचे वातावरण आहे. तर काही ठिकाणी उष्णतेच्या लाटेचाही इशारा देण्यात आला. 

हवामान विभागाने आज जळगाव, छत्रपती संभाजीनगर, बीड, नांदेड, लातूर, चंद्रपूर, गडचिरोली आणि यवतमाळ जिल्ह्यात काही ठिकाणी विजा आणि मेघगर्जनेसह वादळी पावसाचा अंदाज दिला.

तर आज वर्धा, नागपूर, चंद्रपूर आणि अकोला जिल्ह्यात काही ठिकाणी उष्णतेच्या लाटेचा इशारा हवामान विभागाने दिला. 

विदर्भातील यवतमाळ, नागपूर, वर्धा, चंद्रपूर, गडचिरोली, भंडारा आणि गोंदीया जिल्ह्यात तर मराठवड्यातील नांदेड आणि लातूर जिल्ह्यात उद्यापासून म्हणजेच मंगळवारपासून चार दिवस विजा आणि मेघर्जनेसह काही ठिकाणी वादळी पावसाची शक्यता आहे. तर बुलडणा, अकोला, वाशीम आणि अमरावती जिल्ह्यात बुधवारपासून तीन दिवस पावसाचा अंदाज आहे.