Pune News : माॅन्सून वेळेच्या आधीच केरळमध्ये प्रवेश करत सुखद धक्का दिला. तर माॅन्सून केवळ केरळमध्येच नाही तर ईशान्य भारताच्या ७ राज्यांमध्येही पोचला. तसेच माॅन्सूनच्या वाटचालीसाठी पोषक हवामान असून पुढील २ दिवसांमध्ये आणखी काही भागात दाखल होईल, असा अंदाज हवामान विभागाने दिला. 

माॅन्सूनने आज केरळ आणि ईशान्य भारतात प्रवेश केला. माॅन्सूनने केरळचा बहुतांशी भाग आज व्यापला. तर तमिळनाडूच्या काही भागातही माॅन्सन दाखल झाला. तसेच ईशान्य भारतातील संपूर्ण नागालॅंड, संपूर्ण मनिपूर, संपूर्ण मिझोराम, संपूर्ण अरूणाचल प्रदेश व्यापले. तर त्रिपुरा, मेघालय आणि आसामच्या काही भागात माॅन्सूनने चाल केली. 

माॅन्सूनने आज अरबी समुद्राचा बहुतांशी भाग, मालदीव आणि कोमोरिनचा उर्वरित भाग, ईशान्य बंगालच्या उपसागराचा आणखी काही भाग माॅन्सूनने व्यापला. माॅन्सूनची सिमा अमिनी, कन्नूर, कोईम्बतूर, कन्याकुमारी, अगरताळा आणि धुब्री भागात आहे.

तसेच माॅन्सूनच्या प्रगतीसाठी पोषक हवामान आहे. त्यामुळे पुढील २ ते ३ दिवसांमध्ये माॅन्सून केरळ आणि लक्षद्वीपचा आणखी काही भाग, तमिळनाडूचा आणखी काही भाग, आसाम आणि मेघालय आणि पश्चिम बंगाल, सिक्कीमचा आणखी काही भाग तसेच अरबी समुद्राचा आणखी काही भाग आणि बंगालच्या उपसागराच्या आणखी काही भागात माॅन्सून दाखल होईल, असा अंदाजही हवामान विभागाने दिला.