Pune News: कोकण आणि घाटमाथ्यावरच मॉन्सून सक्रिय असल्याने पावसाचा जोर अधिक आहे. तर विदर्भात मध्यम पावसाने हजेरी लावली आहे. शनिवारी (ता. २९) रायगड, रत्नागिरी, सिंधुदुर्ग जिल्ह्यांसह, पुणे आणि सातारा जिल्ह्याच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. उर्वरित कोकण आणि घाटमाथ्यावर जोरदार सरींची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

पावसाची उघडीप असलेल्या भागात कमाल तापमानातील वाढ कायम असून, उकाडा वाढला आहे. शनिवारी (ता. २८) सकाळपर्यंतच्या २४ तासांमध्ये जेऊर येथे राज्यातील उच्चांकी ३३.५ अंश तापमानाची नोंद झाली. कोकण, घाटमाथ्यासह विदर्भात पावसाच्या सरीमागून सरी येत असल्या, तरी उर्वरित राज्यात पावसाची प्रतीक्षा आहे. घाटमाथ्यावर पावसाचा जोर अधिक असल्याने आंबोणे येथे १२०, ताम्हिणी येथे ११०, शिरगाव येते १०० तर इगतपुरी येथे १०० मिलिमीटर पावसाची नोंद झाल्याचे हवामान विभागाने म्हटले आहे.

आज (ता. २९) रायगड, रत्नागिरी, सिंधुदुर्ग, पुणे घाटमाथा, साताऱ्याच्या घाटमाथ्यावर जोरदार सरींची शक्यता असल्याने दक्षतेचा इशारा (ऑरेंज अलर्ट) आहे. पालघर, ठाणे, मुंबई, नाशिकचा घाटमाथा, कोल्हापूरच्या घाटमाथ्यावर जोरदार पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात हलक्या पावसाची शक्यता हवामान विभागाने वर्तविली आहे.

मॉन्सूनच्या प्रगतीसाठी पोषक स्थिती

नैर्ऋत्य मोसमी वाऱ्यांनी (मॉन्सून) गुरुवारी (ता. २६) राजस्थान, हरियाना, पंजाबच्या आणखी काही भागात प्रगती केली. जैसलमेर, बिकानेर, भारतपूर, रामपूर, सोनीपत, अनुपनगरपर्यंतच्या भागात मॉन्सून दाखल झाल्याने देशाच्या बहुतांश भागात पोहोचला आहे. शनिवारी (ता. २८) मॉन्सूनची वाटचाल ‘जैसे थे’ होती. मॉन्सूनच्या प्रगतीसाठी पोषक हवामान असल्याने दोन दिवसांत मॉन्सून संपूर्ण देश व्यापण्याची शक्यता आहे.

उपसागरात कमी दाबाची शक्यता

गुजरातमधील सौराष्ट्र आणि कच्छ परिसरावर कमी दाबाचे क्षेत्र तयार झाले असून, त्याला लागून समुद्र सपाटीपासून ७.६ किलोमीटर उंचीवर चक्राकार वाऱ्यांची स्थिती आहे. यातच बांगलादेश आणि परिसरावर असलेल्या चक्राकार वाऱ्यांच्या प्रभावामुळे आज (ता. २९) या भागात कमी दाब क्षेत्राची निर्मिती होण्याचे संकेत आहेत.

शनिवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)

‎ठिकाणे---तापमान कमाल---तापमान किमान

‎पुणे---२८.२---२१.७

अहिल्यानगर---३०.१---२३.२

‎‎धुळे---३१.०---१९.६

जळगाव---३१.८---२३.२

जेऊर---३३.५---२१.०

‎‎कोल्हापूर---२७.७---२२.१

‎महाबळेश्‍वर---१९.८---१७.६

मालेगाव---३०.०---२१.८

‎‎नाशिक---२७.९---२२.९

‎निफाड---२७.५---२२.०

‎सांगली---२८.५---२२.५

‎सातारा---२७.८---२२.०

‎सोलापूर---३३.३---२३.६

‎सांताक्रूझ---३१.४---२७.७

डहाणू---३१.६---२४.०

रत्नागिरी---३०.२---२६.६

‎छत्रपती संभाजीनगर---२८.६---२२.६

‎धाराशिव---३१.२---२२.०

‎परभणी---३२.४---२३.८

परभणी (कृषी)---३२.४---२३.०

‎‎अकोला---३१.८---२५.५

अमरावती---३१.२---२३.७

‎भंडारा---३१.०---२३.०‎‎

बुलडाणा---२९.२---२२.६

‎ब्रह्मपुरी---३२.२---२४.९

‎चंद्रपूर---३३.०---२४.४

‎गडचिरोली---३०.२---२४.४

‎गोंदिया---३०.०---२४.४

‎नागपूर---३२.५---२५.५

‎वर्धा---३२.१---२५.६

‎वाशीम---२९.६---२३.०

‎यवतमाळ---३१.०---२४.०

जोरदार पावसाचा इशारा (ऑरेंज अलर्ट) :

रायगड, रत्नागिरी, सिंधुदुर्ग, पुणे घाटमाथा, सातारा घाटमाथा.

जोरदार पावसाचा इशारा (येलो अलर्ट) :

पालघर, ठाणे, मुंबई, नाशिक घाटमाथा, कोल्हापूर घाटमाथा.