Pune News: कोकण, घाटमाथ्यावर पावसाने जोरदार हजेरी लावली आहे. आजपासून (ता. २१) राज्यात पावसाचा जोर काहीसा कमी होणार असला, तरी कोकण, घाटमाथ्यावर पावसाचा जोरदार सरींची शक्यता असल्याने, मराठवाडा आणि विदर्भात तुरळक ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे.

शुक्रवारी (ता. २०) सकाळपर्यंतच्या २४ तासांमध्ये विदर्भातील यवतमाळ येथे राज्यातील उच्चांकी ३९.५ अंश तापमानाची नोंद झाली. कोकण, मध्य महाराष्ट्राच्या घाटमाथ्यावर दमदार पावसाने हजेरी लावली आहे. अनेक ठिकाणी अतिवृष्टीची नोंद झाली असून, नाशिक जिल्ह्यातील हर्सूल आणि सातारा जिल्ह्याच्या महाबळेश्‍वर येथे २१० मिलिमीटर पावसाची नोंद झाल्याचे हवामान विभागातर्फे सांगण्यात आले.

आजपासून (ता. २१) राज्याच्या अंतर्गत भागात पावसाचा जोर कमी होण्याचा अंदाज आहे. ठाणे, रायगड, रत्नागिरी सिंधुदुर्ग, पुणे घाटमाथा, सातारा जिल्ह्यांच्या घाटमाथ्यावर जोरदार पावसाचा अंदाज असल्याने, तसेच मराठवाडा आणि विदर्भात तुरळक ठिकाणी विजांसह वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात मुख्यतः उघडिपीसह तुरळक ठिकाणी हलक्या पावसाची शक्यता आहे.

कमी दाब क्षेत्र निवळतेय

उत्तर भारतातील कमी दाबाचे क्षेत्र हळूहळू निवळत असून, ही प्रणाली दक्षिण बिहार आणि परिसरावर आहे. त्याला लागून ७.६ किलोमीटर उंचीपर्यंत चक्राकार वारे वाहत आहेत. राजस्थानपासून मेघालयपर्यंत हवेचा पूर्व-पश्‍चिम कमी दाबाचा पट्टा विस्तारला आहे. उत्तर प्रदेशपासून गुजरातपर्यंत हवेचा कमी दाबाचा पट्टा सक्रिय आहे.

हिमाचल प्रदेश, उत्तराखंड, मॉन्सूनची प्रगती

नैर्ऋत्य मोसमी वाऱ्यांनी (मॉन्सून) देशाचा बहुतांश भाग व्यापला आहे. शुक्रवारी (ता. २०) मॉन्सूनने मध्य प्रदेश, बिहार आणि पूर्व उत्तर प्रदेश व्यापून, पश्‍चिम उत्तर प्रदेशच्या आणखी काही भाग, उत्तराखंड आणि हिमाचल प्रदेशचा बहुतांशी भाग आणि जम्मू- काश्मीरच्या काही भागात प्रगती केल्याचे हवामान विभागाने जाहीर केले. पश्‍चिम उत्तर प्रदेश, उत्तराखंड, हिमाचल प्रदेश संपूर्ण भागासह, जम्मू- काश्मीर, लडाखचा काही भाग आणि राजस्थानच्या आणखी काही भागात दोन दिवसांत मॉन्सून दाखल होण्यास पोषक स्थिती आहे.

शुक्रवारी (ता. २०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)

‎ठिकाणे---तापमान कमाल---तापमान किमान

‎पुणे---२५.२---२२.५

अहिल्यानगर---२६.८---२२.५

‎‎धुळे---३३.०---२०.५

जळगाव---२९.९---२३.२

जेऊर---३०.५---२०.०

‎‎कोल्हापूर---२८.१---२२.९

‎महाबळेश्‍वर---१९.९---१८.४

मालेगाव---२६.२---२३.०

‎‎नाशिक---२४.९---२३.३

‎निफाड---२६.०---२३.२

‎सांगली---२९.४---२३.०

‎सातारा---२५.७---२२.२

‎सोलापूर---३२.९---२४.६

‎सांताक्रूझ---२९.९---२६.०

डहाणू---२९.३---२४.७

रत्नागिरी---३१.०---२६.८

‎छत्रपती संभाजीनगर---२९.४---२३.४

‎धाराशिव---२९.०---निरंक

‎परभणी---३१.६---२३.४

परभणी (कृषी)---३१.५---२३.३

‎‎अकोला---३३.२---२४.६

अमरावती---३१.६---२२.१

‎भंडारा---३४.६---२५.०‎‎

बुलडाणा---२८.७---२३.४

‎ब्रह्मपुरी---३२.७---२४.६

‎चंद्रपूर---३५.२---२५.८

‎गडचिरोली---३१.२---२४.०

‎गोंदिया---३२.२---२३.४

‎नागपूर---३५.३---२५.१

‎वर्धा---३४.०---२४.५

‎वाशीम---३४.६---२३.४

‎यवतमाळ---३९.५---२२.४

जोरदार पावसाचा इशारा (येलो अलर्ट) :

ठाणे, रायगड, रत्नागिरी, सिंधुदुर्ग, पुणे घाटमाथा, सातारा घाटमाथा.

विजांसह वादळी पावसाची शक्यता (येलो अलर्ट) :

छत्रपती संभाजीनगर, जालना, बीड, लातूर, अमरावती, यवतमाळ, गोंदिया, भंडारा, चंद्रपूर, गडचिरोली.