Pune News: राज्यात पावसाला सुरुवात झाली असली तरी अद्याप सर्वदूर समाधानकारक पाऊस झालेला नाही. पावसाची उघडीप असलेल्या भागात उन्हाचा चटका आणि उकाडा अधिकच वाढला आहे. अनेक ठिकाणी ऐन श्रावणात उन्हाच्या झळा तापदायक ठरत आहेत. आज (ता. १०) मध्य महाराष्ट्र, मराठवाडा आणि पूर्व विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

मॉन्सूनचा आस असलेला कमी दाबाचा पट्टा भटिंडापासून, रोहतक, दिल्ली, हरदोई, बारबांकी, देहरी, बंकुरा ते ईशान्य बंगालच्या उपसागरापर्यंत सक्रिय आहे. पश्चिम उत्तर प्रदेश आणि परिसरावर समुद्र सपाटीपासून ३.१ किलोमीटर उंचीवर चक्राकार वारे वाहत आहेत. त्यापासून झारखंडपर्यंत कमी दाबाचा पट्टा सक्रिय आहे. कर्नाटक आणि परिसरावर समुद्र सपाटीपासून ५.८ किलोमीटर उंचीवर चक्राकार वारे कायम आहे. बंगालच्या उपसागरात बुधवारपर्यंत (ता. १३) हवेचे कमी दाबाचे क्षेत्र तयार होण्याचे संकेत आहेत.

पावसाला पोषक हवामान होत असल्याने राज्यात ढगाळ हवामान होत आहे. शनिवारी (ता. ९) सकाळपर्यंतच्या २४ तासांमध्ये कोकण, मध्य महाराष्ट्र, मराठवाडा आणि विदर्भात पावसाने हजेरी लावली. विदर्भात पावसाच्या जोरदार सरींनी दिलासा दिला आहे. वाशीमच्या करंजलाड येथे सर्वाधिक ७० मिलिमीटर पावसाची नोंद झाली. पावसाची उघडीप असलेल्या भागात उन्हाचा चटका, उकाडा कायम वाढला आहे. उत्तर महाराष्ट्रातील धुळे येथे राज्यातील उच्चांकी ३५ अंश सेल्सिअस तापमान नोंदले गेले.

आज (ता. १०) रत्नागिरी, सातारा, सांगली, कोल्हापूर, सोलापूर, बीड, परभणी, हिंगोली, धाराशिव, लातूर, नांदेड, बुलडाणा, अकोला, वर्धा, नागपूर या जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित कोकण, मध्य महाराष्ट्र, मराठवाड्यात विजांसह पावसाची शक्यता आहे. पावसाची उघडीप असलेल्या भागात उन्हाचा चटका, उकाडा कायम राहून तुरळक ठिकाणी हलक्या पावसाची शक्यता हवामान विभागाने वर्तविली आहे.

शनिवारी (ता. ९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.४---२२.३

अहिल्यानगर---२८.०---२२.५

‎‎धुळे---३५.०---२०.४

जळगाव---३३.७---२४.५

जेऊर---२९.०---१९.५

‎‎कोल्हापूर---२७.८---२२.४

‎महाबळेश्वर---२०.४---१७.५

मालेगाव---३४.६---२१.८

नाशिक---२८.३---२१.७

‎निफाड---३१.६---२१.९

‎सांगली---२८.७---२१.९

‎सातारा---२८.२---२१.८

‎सोलापूर---२८.४---२३.०

‎सांताक्रूझ---३०.३---२४.९

डहाणू---३१.२---२४.०

‎रत्नागिरी---२९.२---२४.०

‎छत्रपती संभाजीनगर---२८.४---२२.९

‎धाराशिव---२७.७---२०.७

‎परभणी---निरंक---२२.५

‎‎अकोला---३०.८---२४.०

अमरावती---२८.८---२२.७

भंडारा---३१.७---२४.०

बुलडाणा---२८.२---२२.०

‎ब्रह्मपुरी---३१.०---२४.१

‎चंद्रपूर---३०.४---२४.४

‎गडचिरोली---२८.६---२३.२

‎गोंदिया---३२.६---२१.४

‎नागपूर---२८.५---२४.२

‎वर्धा---२७.०---२४.२

‎वाशीम---२५.६---२१.८

‎यवतमाळ---२७.२---२३.०

विजांसह पावसाचा इशारा (येलो अलर्ट) :

रत्नागिरी, सातारा, सांगली, कोल्हापूर, सोलापूर, बीड, परभणी, हिंगोली, धाराशिव, लातूर, नांदेड, बुलडाणा, अकोला, वर्धा, नागपूर.

विजांसह पावसाचा अंदाज :

पालघर, ठाणे, मुंबई, रायगड, धुळे, जळगाव, नाशिक, अहिल्यानगर, पुणे, छत्रपती संभाजीनगर, जालना,