Pune News : उत्तर महाराष्ट्र, मराठवाडा, विदर्भात वादळी पावसासह गारपिटीने तडाखा दिला आहे. पावसाला पोषक हवामान झाल्याने राज्याच्या किमान तापमानात वाढ झाली आहे. तर ढगाळ हवामानामुळे उकाडा वाढला आहे. आज (ता. २८) विदर्भात तुरळक ठिकाणी पावसाचा अंदाज आहे. तर उर्वरित राज्यात ढगाळ आकाशासह उष्ण व दमट हवामानाचा अंदाज हवामान विभागाने वर्तविला आहे.

राज्याच्या हवामानात वेगाने बदल होत असल्याचे दिसून येत आहे. निफाड, धुळ्यामध्ये असलेला गारठा कमी झाला असून, किमान तापमान पुन्हा १० अंशाच्या वर गेले आहे. तर दुपारच्या वेळी उन्हाची ताप वाढल्याने मंगळवारी (ता. २७) सकाळपर्यंतच्या २४ तासांत सांताक्रूझ येथे देशातील उच्चांकी ३७.५ अंश सेल्सिअस तापमानाची नोंद झाली आहे. पुणे, सोलापूर, अकोला येथे तापमान ३५ अंशाच्या पार आहे. राज्यात ढगाळ हवामान होत असून, उकाड्यात वाढ झाली आहे.

पूर्व-मध्य अरबी समुद्रापासून पूर्व राजस्थानपर्यंत हवेचा कमी दाबाचा पट्टा सक्रिय आहे. दक्षिण कर्नाटकपासून मध्य महाराष्ट्रापर्यंत हवेचा कमी दाबाचा पट्टा तयार झाला आहे. यामुळे मध्य भारतासह महाराष्ट्रात ढगाळ हवामान होत आहे. आज (ता. २८) राज्यात ढगाळ आकाशासह उष्ण व दमट हवामानाचा अंदाज आहे. विदर्भात तुरकळ ठिकाणी पावसाची शक्यता हवामान विभागाने वर्तविली आहे.

मंगळवारी (ता. २७) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.१ (१८.२), धुळे ३४.५ (१२.६), जळगाव ३५.२ (१६.१), कोल्हापूर ३४.६ (२१.०), महाबळेश्वर २७.८ (१८.६), मालेगाव ३३.० (२१.८), नाशिक ३४.३ (१८.६), निफाड ३२.८ (१३.२), सांगली ३४.७ (२०.८), सातारा ३४.६ (१९.७), सोलापूर ३५.८ (२३.६), सांताक्रूझ ३७.५ (२३.०), डहाणू ३१.० (१९.८), रत्नागिरी ३२.४ (२१.२),

छत्रपती संभाजीनगर ३३.४ (२१.०), नांदेड ३३.४ (२२.८), परभणी ३४.० (२१.५), अकोला ३५.० (२०.६), अमरावती ३२.० (२०.८), बुलढाणा ३३.८ (१८.६), चंद्रपूर ३३.८ (१७.६), गडचिरोली ३२.० (१९.०), गोंदिया ३०.८ (२१.३), नागपूर ३१.३(२२.२), वर्धा ३१.८(२२.६), वाशीम ३४.४ (१९.६), यवतमाळ ३२.५ (२५.५).