महायुती सरकारचे राज्य अन्न व पुरवठा मंत्री धनंजय मुंडे हे मागील ९० दिवसांपासून वादाच्या भोवऱ्यात अडकले होते. त्यांनी अखेर मंगळवारी (ता. ४) म्हणजेच काल आपल्या पदाचा राजीनामा मुख्यमंत्र्यांकडे दिला आहे. मुख्यमंत्री देवेंद्र फडणवीस यांनी तो स्वीकारून मुंडे यांना मुक्त केल्याचे माध्यमांशी बोलताना सांगितले. त्यामुळे महाराष्ट्राच्या राजकारणात नवा भूचाळ आला आहे. अनेक दिवसांपासून त्यांच्या राजीनाम्याची चर्चा होती, पण तो स्वीकारायला तीन महिने का लागले, हा मोठा प्रश्न आहे. पीकविमा घोटाळा, अधिकाऱ्यांच्या बदल्या, ऊसतोडणी मशीन खरेदी, डीबीटीमधील गैरव्यवहार यांसारख्या विविध आरोपांमुळे मुंडे अडचणीत आले होते.