Farmer: महसूल विभागाने शेतकऱ्यांना फक्त दोन गटाने जीपीएस टॅगिंगचे फोटो काढायला लावून ते कृषिसेवक किंवा तलाठी किंवा शेतकरी मित्र यांच्या मोबाइलवर देऊन बाकी माहिती ऑफलाइन लिहून नंतर ऑनलाइन करावी, असं बुलढाणा जिल्ह्यातील शेतकरी  डॉ. गजानन गिऱ्हे सांगतात. केंद्राकडून विविध योजनांसाठी राज्याला एकच सर्व्हर देण्यात आलंय. या सर्व्हरवर महाडीबीटी, आधारलिंक, लाडकी बहीण, शिष्यवृत्ती अशा विविध योजना अवलंबून आहेत. भार झेलण्याची क्षमता वाढविण्याबाबत राज्याकडून केंद्राकडे मागणीही करण्यात आलेली आहे. पण यामध्ये अद्याप काहीही सुधारणा झालेली नसल्यानं शेतकऱ्यांना, नागरिकांना तांत्रिक अडचणींचा फटका बसतोय. तासन्‌तास सीएससी केंद्रचालक अर्ज दाखल करण्यासाठी वाट पाहत थांबलेले असतात. रात्री गर्दी कमी होते. त्यावेळी अर्ज भरावे लागतात. त्यासाठी उशिरापर्यंत जागरण करीत अर्ज भरून घेण्याचे काम केले जाते.