Chalisgaon Pikawar Taan: चाळीसगाव तालुक्यात चार-पाच दिवसांपासून उन्हाचा चटका वाढला आहे. कमाल तापमानाचा पारा थेट ३५ अंश सेल्सिअसपर्यंत गेल्याने सप्टेंबरमध्येच चाळीसगावकरांना उन्हाळ्याची झळ सोसावी लागते. दुपारच्या वेळी उन्हाची तीव्रता वाढत असून, उकाड्यामुळे नागरिक हैराण झाले आहेत. वाढत्या उष्णतेचा पिकांवर ताण पडत असल्याने शेतकरी चिंताग्रस्त झाले आहेत..तमगव्हाणसह पिंपळवाड निकुंभ, अंधारी, हातगाव, माळशेवगे, तळेगाव व हिरापूर परिसरात गेल्या महिन्यापासून पावसाने दडी मारली आहे. ज्यामुळे बाजरी, मका, कपाशी, भुईमूग आदी पिके अक्षरशः जळून खाक झाली आहेत. पिकांसाठी मशागत, बियाणे, खते, लागवड व पेरणीसह कोळपणीपर्यंत केलेला खर्च वाया गेल्याने शेतकरी हवालदिल झाले आहेत. आता पाऊस झाला तरी हातात उत्पन्न येण्याची शक्यता नसल्याने पुढील दिवस कसे काढायचे? या चिंता शेतकऱ्यांना आहे..Kharif Distress : पिकांनी टाकल्या माना; चिंता वाढली.सर्वसाधारणपणे सप्टेंबर महिन्यात ढगाळ वातावरण राहते. यंदा मात्र तापमानाचा पारा वाढलेला असतो. सायंकाळपर्यंत उष्णतेची झळ सोसावी लागते. यामुळे सोयाबीन, कापूस, तूर पिकाला फटका बसत आहे. सध्या सोयाबीनच्या शेंगा भरण्याच्या अवस्थेत तर कापूस व तूर वाढीच्या महत्त्वाच्या टप्प्यात आहेत. मूग, उडीद व ज्वारीलाही पुरेशा ओलाव्याची आवश्यकता आहे..Satara Rain Update : सातारा जिल्ह्यात पावसाच्या ओढीने पिके संकटात.मात्र, वाढत्या उष्णतेमुळे या सर्व पिकांवर ताण येत असल्याने उत्पादनात मोठी घट येण्याची शक्यता आहे. अपूर्ण पाऊस आणि वाढते तापमान यामुळे विशेषतः हलक्या जमिनीतील पिकांवर विपरित परिणाम होण्याची शक्यता आहे. ११ ते १३ सप्टेंबरला जो काही पाऊस झाला, तो जेमतेम झाला. त्यानंतर लगेचच तापमान वाढले. अशा परिस्थितीत ज्यांच्याकडे पाणी आहे, अशा शेतकऱ्यांना वीज कंपनीच्या गलथान कारभारामुळे पिकांना पाणी देता येत नसल्याचे शेतकऱ्यांनी सांगितले..मी माझ्या शेतात कपाशीचे ११ डबे लागवड केलेली आहे. नांगरटी, वखरणी, बियाणे, खते व मजुरी असे मिळून सुमारे एक लाख रुपये खर्च झाला. आता एक महिन्यापासून पाऊस नसल्याने एक रुपयाचेही उत्पन्न येणार नाही, असे चित्र दिसत आहे.बाजीराव पाटील, शेतकरी, तमगव्हाण (ता. चाळीसगाव).माझ्या शेतात कपाशी, तसेच मका या पिकांची लागवड केलेली आहे. जमिनीच्या मशागतीपासून आजपर्यंत जो काही खर्च केला आहे, तो यंदा निघणार नाही, असे दिसते. शेतीचे उत्पन्नच येणार नसेल तर कुटुंबाचा उदरनिर्वाह कसा करायचा, याची चिंता पडली आहे.गणेश सानप, हातगाव (ता. चाळीसगाव).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
