Farmer Demands: पावसाच्या दीर्घ खंडामुळे जिल्ह्यात खरीप पिके संकटात सापडल्याने तातडीने कोरडा दुष्काळग्रस्त जाहीर करावा, तसेच शेतकऱ्यांना तातडीने आर्थिक मदत द्यावी, या मागणीसाठी शिवसेना (उद्धव बाळासाहेब ठाकरे) गटाच्या वतीने मंगळवारी (ता. २२) शेतकरी आक्रोश मोर्चा अकोल्यात काढण्यात आला. .आमदार नितीन देशमुख यांच्या नेतृत्वाखाली निघालेल्या मोर्चात जिल्ह्यातील विविध भागांतील शेतकरी सहभागी झाले. पावसाने दीर्घकाळ दडी मारल्याने सोयाबीनसह खरीप पिकांच्या वाढीवर आणि उत्पादनावर परिणाम झाला आहे. काही भागांत पिके वाळण्याच्या स्थितीत असून उत्पादन खर्च भरून काढण्याचे आव्हान शेतकऱ्यांसमोर आहे. या पार्श्वभूमीवर शासनाने तातडीने दखल घेऊन दुष्काळ जाहीर करावा, अशी मागणी करण्यात आली..Drought Declaration Demands: प्रत्यक्ष नुकसानीच्या आधारे दुष्काळ जाहीर करा : झनक.जिल्हाधिकारी वर्षा मीना यांना निवेदन देण्यात आले. मोर्चात बैलगाडी आणि सोयाबीनचे पीक विशेष लक्षवेधी ठरले. बैलगाडीच्या माध्यमातून शेतीची पारंपरिक साधने, तर सोयाबीनच्या माध्यमातून खरीप हंगामातील अडचणी प्रशासनाच्या निदर्शनास आणून देण्यात आल्या..Chandur Bazar Drought : कोरड्या दुष्काळाच्या छायेत चांदूरबाजारचा बळीराजा.महिला, शेतकरी, पदाधिकारी व कार्यकर्ते मोठ्या संख्येने सहभागी झाले. शेतकऱ्यांना हेक्टरी ५० हजार रुपये मदत, पीकविम्याचे पूर्वीचे चार ट्रिगर पूर्ववत करून नुकसानभरपाई, रब्बीसाठी मोफत बियाणे व खते, सिंचनासाठी सुरळीत वीजपुरवठा, नियमित कर्जफेड करणाऱ्या.शेतकऱ्यांना दोन लाख रुपयांचे प्रोत्साहनपर अनुदान, पुनर्गठित कर्जाचा कर्जमाफी योजनेत समावेश आणि जनावरांसाठी चारा किंवा चारा छावण्या सुरू करण्याच्या मागण्या करण्यात आल्या. येत्या ५ ऑक्टोबरपर्यंत मागण्या मान्य न झाल्यास समृद्धी महामार्ग बंद करण्याचा इशारा आमदार देशमुख यांनी यावेळी दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
