Soybean Sowing: सोयाबीन पेरणीच्या वेळी शिफारसीनूसार सोयाबीनला ५० किलो नत्र, ७५ किलो स्फुरद ,४५ किलो पालाश आणि १० टन शेणखत प्रती हेक्टरी द्याव. या खत मात्रेमधील ५० टक्के नत्र आणि पालाश पेरणीच्या वेळी आणि उरलेले पेरणीनंतर ३५ दिवसांनी द्यावं.  ही शिफारस हलक्या जमिनीमध्ये सोयाबीनच जास्त उत्पादन मिळविण्यासाठी आहे. जमिनीच्या पोतानुसार ४५ बाय ५ सेंटीमीटर किंवा ३० बाय १५ सेंटीमीटर पेरणीचे अंतर ठेवावे. बियाणे ३.५ ते ४ सेंटीमीटर पेक्षा खोल पेरू नये. हेक्टरी रासायनिक खताबरोबर १० किलो बोरॅक्स आणि २० किलो झिंक सल्फेट द्याव. पीक २० ते २५ दिवसांचे असताना सूक्ष्म अन्नद्रव्यांच्या कमतरतेमुळे सोयाबीन पिवळ पडत पडल्यास सूक्ष्म अन्नद्रव्य ५० मिलि प्रति १० लिटर पाण्यात मिसळून फवारावे. पेरणीनंतर नत्रयुक्त खतं देण टाळावं. पीक फुलोरावस्थेत असताना डवरणी करू नये. शेंगा लागण्याच्या अवस्थेत १९:१९:१९ तर शेंगा भरण्याच्या अवस्थेत ०:५२:३४ या विद्राव्य खतांची १०० ग्रॅम प्रति १० लिटर पाण्यातून फवारणी करावी.