Sorghum Sowing: कोरडवाहू आणि बागायती क्षेत्रासाठी ज्वारी वाणाची निवड करतान जमीन जर हलकी म्हणजेच ३० सेंटीमीटर खोलीची असेल तर अशा जमिनीसाठी फुले यशोमती, फुले अनुराधा, फुले माऊली या वाणांची शिफारस करण्यात आली आहे. मध्यम जमिनीसाठी म्हणजेच ज्या जमिनी ६० सेंटीमीटर खेलीच्या आहेत अशा जमिनीत फुले सुचित्रा, फुले माऊली, परभणी मोती आणि मालदांडी ३५-१ या वाणाची निवड करावी. तर, भारी जमिनी म्हणजे ज्या जमिनीची खोली ६० सेंटीमीटरपेक्षा जास्त आहे अशा जमिनीत फुले वसुधा, फुले यशोदा, सी.एस.व्ही २२, पी.के.व्ही. क्रांती, परभणी मोती आण फुले पूर्वा या सुधारित वाणांची निवड करावी. याशिवाय सी.एस.एच.१५ आणि सी.एस.एच. १९ या ज्वारीच्या संकरित वाणाचीही निवड करु शकता.