soybean disease symptoms: पिकाच्या सुरुवातीच्या वाढीच्या टप्प्यात जर पानं पिवळी पडत असतील, तर याचे कारण अन्नद्रव्यांची कमतरता असते. मात्र शेवटच्या अवस्थेत पीक पिवळे पडत असेल, तर यामागे बहुधा पिवळा मोझॅकसारखा विषाणूजन्य रोग असतो. आपली जमीन कोणत्या प्रकारची आहे, त्यातील पोषणतत्त्वांची स्थिती काय आहे, याचा विचार करणे अत्यावश्यक असते. विशेषतः चुनखडीयुक्त जमिनीत सोयाबीनचे पीक पिवळे पडण्याची शक्यता अधिक असते. जमीन पोषक असूनही पीक पिवळे पडत असल्यास खत व्यवस्थापनात काही त्रुटी असू शकतात. उदा. खतांची मात्रा कमी देणे, अयोग्य प्रमाणात खते वापरणे किंवा सूक्ष्म अन्नद्रव्यांचा वापर न करणे हे कारणीभूत ठरते.