jowar price: अलीकडच्या काही वर्षांपासून गावरान ज्वारीची मागणी वाढत आहे. सध्या राज्यात ज्वारी गुणवत्तेनुसार २ हजार ५०० ते ४ हजारांच्या दरम्यान विकली जात आहे. राज्यातील बाजारात पेरुची आवक काहीशी वाढली आहे. पेरुला सरासरी ३ हजार ते ५ हजार रुपयांच्या दरम्यान गुणवत्ता आणि व्हरायटीनुसार दर मिळत आहे. बाजारातील हिरव्या मिरचीची आवक कमीच आहेत. हिरव्या मिरचीला सध्या राज्यातील बाजारात सरासरी ३ हजार ५०० ते ४ हजार रुपयांचा दर मिळत आहे. राज्यातील बाजारात कारलीची आवक कमीच आहे. त्यामुळे सध्या कारलीला सरासरी ३ हजार ते ३ हजार ५०० रुपयांपर्यंत दर मिळत आहे. देशातील बाजारात हळदीच्या भावात मागील काही आठवड्यांपासून चढ उतार सुरु आहेत. सध्या हळदीला सरासरी १० हजार ते ११ हजार रुपयांच्या दरम्यान दर मिळत आहेत.