Tractor operated compost applicator: कंपोस्ट खत झाडांच्या मुळाजवळ देण्यासाठी द्राक्षबागेत प्रत्येक ओळीजवळ सलग चर खोदून त्यात खत भरले जाते आणि नंतर तो चर मातीने भरून टाकला जातो. यामुळे माती भुसभुशीत व सच्छिद्र बनते, मुळांना हवा मिळते आणि पांढऱ्या मुळांची वाढ होते. जुनी मुळे अधिक खोलवर जातात. ही प्रक्रिया हाताने फावडे, कुदळ यांसारख्या अवजारांनी केली जाते; काही वेळा बैल किंवा लहान ट्रॅक्टरचलित यंत्रेही वापरली जातात. मात्र हे काम श्रमप्रधान असल्याने एका हेक्टरसाठी सुमारे ३३.५ मनुष्य-दिवस लागतात.