Climate Impact: खानदेशात सोमवारपासून (ता. ३०) वादळी पाऊस, गारपीट सुरू आहे. जळगाव, धरणगाव भागांतील अनेक गावांत सलग तीन वेळेस वादळी पाऊस, गारपिटीचा तडाखा बसला आहे. यात सुमारे १५ हजार हेक्टरवरील पिकांची हानी झाली आहे..केळी, कांदा, मका, कलिंगड या पिकांची अधिकची हानी झाली आहे. तसेच घरगोठ्यांचेही नुकसान झाले आहे. जळगाव तालुक्यातील फुपनगरी, कानळदा, वडनगरी, खेडी खुर्द भागात बंधारे फुटून जमिनी खरडल्या आहेत. धरणगाव तालुक्यातील पथराड, पाळधी, टहाकळी, भोकणी दोनगाव, चोरगाव, झुरखेडा भागात मका, कांदा पिकाची अतोनात हानी झाली आहे..Unseasonal Rain: पूर्वमोसमी पाऊस, गारपिटीचा घाटनांद्रा परिसराला तडाखा.जळगाव तालुक्यातील फुपनगरी, वडनगरी भागात मोठ्या केळी बागा जमीनदोस्त झाल्या आहेत. तर लहान केळी बागांची पाने फाटून ५० ते ६० टक्के हानी झाली आहे. सोमवार, मंगळवार (ता. ३१), बुधवार (ता. १) व गुरुवारी (ता. २) असे सलग तीन ते चार दिवस या भागांत वादळी पाऊस, हलकी गारपीट झाली आहे. सलग चार दिवस रोज सायंकाळी, रात्री या भागात वादळी पाऊस झाला. बुधवारी अतिजोरदार पाऊस फुपनगरी भागात झाला. यात केळी, कांदा पिकाची हानी झाली आहे..Unseasonal Rain: पूर्वमोसमी पाऊस, गारपिटीचा घाटनांद्रा परिसराला तडाखा.धुळ्यातील धुळे, शिंदखेडा भागातही अतिपावसाने हानी झाली आहे. पंचनामे व नुकसानीची व्याप्ती वाढत आहे. प्रशासनाकडून पंचनामे काही भागात टाळले जात आहेत. नुकसान कमी आहे, अशी बतावणी प्रशासन करीत असल्याचे शतकऱ्यांचे म्हणणे आहे. मंगळवारपर्यंत सुमारे सहा हजार हेक्टरवर पीकहानी झाली होती. हा आकडा शुक्रवारपर्यंत १५ हजार हेक्टरवर पोचल्याची माहिती आहे..शिवारात वीज बंदजळगाव, धरणगाव तालुक्यांतील फुपनगरी, झुरखेडा भागात सोमवारपासून शिवारातील वीज बंद आहे. बुधवारी काही तास वीज फुपनगरी भागात शिवारात सुरू झाली होती. पण गुरुवारी वीज बंद होती. सोमवारीदेखील शिवारात वीज नव्हती. शुक्रवारीदेखील अशीच स्थिती होती. वीज नसल्याने पशुधनासाठी पाण्याची व्यवस्था करता येत नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
