gavar bhaav: गवारचे भाव मागील आठवडाभरात पुन्हा वाढले आहेत. सध्या राज्यातील बाजारांमध्ये गवारला सरासरी ७ हजार ते ८ हजार रुपयांच्या दरम्यान भाव आहेत. जांभळाला सध्या चांगला उठाव आहे. मुंबईसारख्या बाजारात गुणवत्तेप्रमाणे अगदी २० हजार रुपये प्रतिक्विंटलचा भाव मिळत आहे. पुणे बाजारात सरासरी ७ हजारांचा दर आहे. तर अमरावती आणि छत्रपती संभाजीनगर मार्केटला जांभूळ ३ हजार ते ४ हजार रुपयाने विकले जात आहे. बाजारातील ज्वारीची आवक टिकून आहे. त्यामुळे दरही काहीसे स्थिरावले आहे. सध्या ज्वारीला प्रतिक्विंटल सरासरी २ हजार ५०० ते ३ हजार रुपयांच्या दरम्यान भाव मिळत आहे. मुगाला बाजारात सध्या हमीभावापेक्षा खूपच कमी दर मिळत आहे. सध्या मूग प्रतिक्विंटल सरासरी ६ हजार ५०० ते ७ हजार रुपये प्रतिक्विंटलने विकला जात आहे. सोयाबीनचा हंगाम सुरु होऊन आता ९ महीने झाले. सध्या बाजारातील सोयाबीनची आवक खूपच कमी आहे. सध्या सोयाबीनला बाजारात ४ हजार ते ४ हजार २०० रुपयांच्या दरम्यान भाव मिळत आहे.