pomegranate price: देशात गेल्या दोन वर्षांपासून डाळिंबाचे उत्पादन कमी होत आहे. सध्या डाळिंबाला बाजारात सरासरी ९ हजार ते १२ हजार रुपयांचा दर मिळत आहे. राज्यातील बाजारात तोंडलीचे दर मागील काही आठवड्यांपासून टिकून आहेत. राज्यातील बाजारात तोंडलीला सरासरी ३ हजार ५०० ते ४ हजार रुपयांच्या दरम्यान भाव मिळत आहे. राज्यातील बाजारात पेरुची आवक काहीशी वाढली आहे. तर पेरुला सरासरी ३ हजार ते ५ हजार रुपयांच्या दरम्यान गुणवत्ता आणि व्हरायटीनुसार दर मिळत आहे. ढोबळी मिरचीचे दर मागील काही आठवड्यांपासून काहीसे नरमलेले आहेत. ढोबळी मिरचीला सध्या बाजारात सरासरी गुणवत्तेप्रमाणे ३ हजार ते ३ हजार ५०० रुपयांच्या दरम्यान भाव मिळत आहे. मक्याचा बाजार रब्बीतील मालाची आवक झाल्यापासून स्थिरावला आहे. सध्या मक्याचे दर २ हजार ते २ हजार २०० रुपयांच्या दरम्यान आहेत.