Loksabha Election: लोकसभा निवडणुकीत सरकारला शेतकऱ्यांनी चांगलाच इंगा दाखवला होता. त्यामुळे शेतकऱ्यांना खूश करण्यासाठी सरकार प्रयत्न करत आहेत. त्यातच सरकारमुळे अनेक शेतीमालाचे भाव पडले होते. निर्यातबंदी, खुली आयात, स्टाॅक लिमिट अशा धोरणामुळे शेतकऱ्यांमध्ये विशेष नाराजी आहे. विशेष म्हणजे शेतकरी कर्जबाजारी होण्याला सरकारची ही धोरणेही काही प्रमाणात जबाबदार आहेत. त्यामुळे सरकारच्या विरोधात शेतकऱ्यांमध्ये नाराजी आहे. हे ओळखून सरकारला शेतकऱ्यांची नाराजी दूर करण्यासाठी कर्जमाफी करावी लागेल, असे शेतीप्रश्नाच्या अभ्यासकांनी सांगितले.