Cotton Rate: कापसाच्या वायद्यांमध्ये पुन्हा चढ उतार सुरु झाले. आंतरराष्ट्रीय बाजार आणि देशातील बाजारातही कापूस दबावातच दिसून येतो. आज आंतरराष्ट्रीय बाजारातील वायदे दुपारी ७२.२३ सेंटवर होते. देशातील वायदेही ५८ हजार ४०० रुपयांवर आहेत. बाजार समित्यांमध्ये भावपातळी ७ हजार १०० ते ७ हजार ७०० रुपयांच्या दरम्यान आहे. बाजारातील कापसाची काहीशी कमी आहे. तरीही कापसाला कमी असलेली मागणी आणि कच्च्या तेलाच्या भावातील नरमाई याचा परिणाम होत आहे. कापूस बाजारात अजूनही अनिश्चित परिस्थिती असून ही स्थिती आणखी काही दिवस राहू शकते, असा अंदाज कापूस बाजारातील अभ्यासकांनी व्यक्त केला.